بۇل كاسىپورىننىڭ شىعاراتىن ونىمدەرى ءوڭىردى جانە بۇكىل مۇناي-گاز كەشەنىن دامىتۋ ءۇشىن ماڭىزدى - ەلباسى - فوتو

استانا. قازاقپارات - ەلباسى نۇرسۇلتان نازاربايەۆ «Caspian Offshore and Marine Construction» ج ش س-نىڭ تەڭىزگە ارنالعان مەتال كونسترۋكتسيالار زاۋىتىندا بولدى، دەپ حابارلادى اقوردانىڭ باسپا ءسوز قىزمەتى.

 نىساندى ارالاۋ كەزىندە مەملەكەت باسشىسىنا كاسىپورىننىڭ قىزمەتى تۋرالى باياندالدى جانە «KMG Drilling & Services» ج ش س ءۇشىن ارناپ جاسالعان، ءوزىن ءوزى كوتەرەتىن، قازاقستانداعى العاشقى بۇرعىلاۋ قوندىرعىسى تانىستىرىلدى.

 نۇرسۇلتان نازاربايەۆ زاۋىت جۇمىسشىلارىمەن اڭگىمەلەسكەن كەزىندە كاسىپورىننىڭ شىعاراتىن ونىمدەرى ءوڭىردى جانە بۇكىل مۇناي-گاز كەشەنىن دامىتۋ ءۇشىن ماڭىزدى ەكەنىنە توقتالدى، سونداي-اق ولاردىڭ جۇمىستارىنا جاڭا جەتىستىكتەر تىلەدى.

 زاۋىت مۇناي-گاز ونەركاسىبىنە ارنالعان جابدىقتاردى، ونەركاسىپتىك قوندىرعىلاردى قۇراستىرۋ جانە سالۋمەن، كەمە جاساۋمەن، سونداي-اق جوندەۋ جانە تەحنيكالىق قىزمەت كورسەتۋمەن اينالىسادى. كاسىپورىندا بارلىعى 548  ادام جۇمىس ىستەيدى.