استانادا جەر ۋچاسكەسىن الۋ جۇيەسى جەڭىلدەتىلەدى
بۇل تۋرالى استانا قالاسى ءماسليحاتىنىڭ 41- كەزەكتەن تىس سەسسياسىندا ساۋلەت جانە قالا قۇرىلىسى باسقارماسىنىڭ باسشىسى ۆيتالي سيلەتسكي مالىمدەدى.
«رۇقسات بەرۋ ەكى كەزەڭمەن جۇرگىزىلەدى. ءبىرىنشىسى، تەكسەرۋ، ىزدەۋ جۇمىستارىن جۇرگىزۋگە جانە جەر ۋچاسكەلەرىن جوبالاۋعا رۇقسات بەرۋ. ەكىنشىسى، قۇرىلىس جۇرگىزۋ ءۇشىن ۋچاسكەلەر ءبولۋ. جەر ۋچاسكەسىن الۋعا نيەتتى كاسىپكەر استانا قالاسىنىڭ بۇگىنگى جوسپارىن ءوز بەتىنشە قارايدى، ماقساتتى جەر ۋچاسكەسىنىڭ جوسپارلى ورنالاساتىن جەرىن انىقتايدى. سودان كەيىن ءوتىنىشىن تىركەپ، سحەمانى استانا قالاسىنىڭ جەر قاتىناستارى باسقارماسىنىڭ قاراۋىنا ۇسىنادى» ، - دەدى ول.
رۇقسات بەرۋ جاڭا تەحنولوگيالاردى قولدانا وتىرىپ، اۆتوماتتاندىرىلادى. ۆيتالي سيلەتسكيدىڭ اتاپ وتۋىنشە، ءوتىنىش بەرۋشىنىڭ ۇدايى كەلىپ ءجۇرۋى نەمەسە ءتۇرلى مەملەكەتتىك ورگاندارعا بارۋى قاجەت ەمەس. ونىڭ ۇستىنە، ەشقانداي تولەمدەر جاسالمايدى، باستاپقى رۇقسات قۇجاتتارىن ازىرلەۋ جەرگىلىكتى بيۋدجەت ەسەبىنەن جۇرگىزىلەدى، سونداي- اق، قۇجاتتاردى قاراۋ مەرزىمى ەكى ەسە قىسقارادى، ەندى بۇل ءۇشىن بۇرىنعىداي 60 ەمەس، 30 جۇمىس كۇنى عانا كەرەك.
