س. پودوبەدوۆا، م. مانەزا، ز. چينشلانلو «چەمپيوندار شتانگاسىن» كوتەردى - فوتو

الماتى. قازاقپارات - الماتىدا زىلتەمىرشى جۇلدىزدارىمىزدىڭ قاتىسۋىمەن «چەمپيون شتانگاسى» اكسياسى ءوتتى. سالتاناتتى شارا جاقىندا الماتىدا وتەتىن اۋىر اتلەتيكادان الەم چەمپيوناتىنا قولداۋ رەتىندە وتكىزىلدى.

«مەگا» ويىن-ساۋىق ورتالىعىندا وتكەن اكسياعا قالا تۇرعىندارى اۋىر اتلەتيكانىڭ جۇلدىزدارى سۆەتلانا پودوبەدوۆا، مايا مانەزا، ءزۇلفيا چينشلانلو، ازيا ويىندارىنىڭ التىن جۇلدەگەرى مارگاريتا ەليسەيەۆا، كۇمىس جۇلدەگەرى ماريا گرابوۆەتسكايا، ق ر اۋىر اتلەتيكادان قازاقستان قۇراماسىنىڭ باس باپكەرى الەكسەي ني قاتىستى.

قالا تۇرعىندارى مەن قوناقتارى زىلتەمىرشى قىزدارىمىزدىڭ ونەرىن تاماشالاپ، وزدەرى دە جۇلدىزدى شتانگالاردى كوتەرىپ كوردى.

كەلۋشىلەر اراسىندا ۆيكتورينالىق ويىندار ويناتىلدى. اۋىر اتلەتيكا تۋرالى قويىلعان سۇراقتارعا دۇرىس جاۋاپ بەرگەن جەڭىمپازدارعا باعالى سىيلىقتار ۇسىنىلدى.

«ءبىزدى قولداۋعا كەلگەن كورەرمەندەرگە ۇلكەن العىسىمدى بىلدىرەمىن. الماتىلىقتار مەن قالا قوناقتارى 8-16- قاراشا اراسىندا وتەتىن الەم چەمپيوناتىندا بىزگە قولداۋ كورسەتۋلەرىن سۇرايمىز»، - دەدى ازيا ويىندارىنىڭ التىن جۇلدەگەرى مارگاريتا ەليسەيەۆا.

«الەمدىك دودالاردا ەلىمىزدىڭ كوك بايراعىن جەلبىرەتىپ، مەرەيىن تاسىتىپ جۇرگەن سپورتشىلارىمىزبەن ماقتانامىز. وسىنداي چەمپيونداردى تاربيەلەپ جاتقان باپكەرلەر قۇرامىنا العىسىم شەكسىز. وسكەلەڭ جاستارىمىز وسى سپورتشىلارىمىزدان ۇلگى الۋى كەرەك»، - دەدى الماتى قالاسى اكىمنىڭ ورىنباسارى زاۋرەش امانجولوۆا.

وليمپيادا چەمپيوندارىمەن وتكەن فوتوسەسسيادان سوڭ مەرەكە ەسترادالىق كونسەرتكە ۇلاستى.

ا








ۆتور: گۇلميرا ءعوسمانالي