بوكس: ارتۋر بەتەربيەۆ قارسىلاسىنىڭ جاعىن سىندىرىپ جىبەردى

استانا. قازاقپارات - رەسەي بوكسشىسى ارتۋر بەتەربيەۆ جارتىلاي اۋىر سالماقتاعى بۇرىنعى الەم چەمپيونى تاۆوريسوم كلاۋدتى ايقىن باسىمدىقپەن جەڭدى، دەپ حابارلايدى Tofight.ru.

جەكپە-جەك 28- قىركۇيەككە قاراعان ءتۇنى مونرەالدا ءوتتى. 29 جاستاعى رەسەيلىك ءبىرىنشى راۋندتا ءوز قارسىلاسىن ءۇش رەت ەسەڭگىرەتىپ، ال ەكىنشى راۋندتا سۇلاتىپ سالدى.

كاسىبي بوكستا بەتەربيەۆ التى رەت شارشى الاڭعا شىعىپ، بارىندە دە ايقىن باسىمدىقپەن ۇتتى (6 نوكاۋت). ال كلاۋد 24 رەت قارسىلاستارىنان باسىم تۇسسە، وسىمەن ءۇشىنشى رەت جەڭىلىستىڭ اشى ءدامىن تاتتى.

ارتۋردىڭ پروموۋتەرى يۆون ميشەلدىڭ ايتۋىنشا، ول بۇل جەكپە-جەكتە امەريكاندىق بوكسشىنىڭ جاعىن سىندىرىپ جىبەرگەن.