قازاقستان ايەلدەر قۇراماسى تايلاندتى جەڭىپ، توپتىق كەزەڭگە شىقتى

ورال. قازاقپارات - يتاليانىڭ ۆەرونا قالاسىندا ۆولەيبولدان ايەلدەر قۇراماسى اراسىندا ءوتىپ جاتقان الەم چەمپيوناتىندا كەشە قازاقستان ۇلتتىق قۇراماسى تايلاندپەن الاڭعا شىعىپ، ەكىنشى توپتىق كەزەڭگە بەرىلەر جولدامانى ساراپقا سالدى.

بۇل ويىندا الەكساندر گۋتور باپتايتىن قازاقستاندىق قىزدار تايلىقتاردى بەت قاراتپاي 3:0 ەسەبىمەن ۇتىپ، ءوز توبىندا ءتورتىنشى ورىندى يەلەندى. ءسويتىپ ءوز تاريحىندا تۇڭعىش رەت ەكىنشى توپتىق كەزەڭگە ءوتىپ، ۇزدىك ون التى كوماندانىڭ قاتارىنان تابىلدى. بۇعان دەيىنگى قازاقستاندىق قىزداردىڭ ۇزدىك كورسەتكىشى دەپ بەيجىڭ وليمپياداسىنداعى توعىزىنشى ورىندى ايتۋعا بولادى.

ەندى قازاقستان ۇلتتىق قۇراماسى 1- قازاننان باستاپ برازيليا، سەربيا، تۇركيا، بولگاريامەن سىنعا تۇسەتىن بولادى.

ايتا كەتەيىك، ۇلتتىق قۇراما ساپىندا ورال ۆولەيبولىنىڭ تۇلەگى سارا انارقۇلوۆا دا ونەر كورسەتۋدە.