مۇحتار شاحانوۆتىڭ ءانى ۇرلاندى - كەسكىن

استانا. قازاقپارات - بۇعان دەيىن ءشامشى قالداياقوۆ پەن مۇحتار شاحانوۆتىڭ ءانى رەتىندە تانىلعان «اقسۋدان ۇشقان اققۋىم» انىنە تالاس باستالدى. مارقۇم قۇداش مۇقاشيەۆتىڭ جاقىندارى «اقسۋدان ۇشقان اققۋلار» دەپ اتاۋى عانا وزگەرتىلگەن ءاننىڭ ءسوزى دە اۋەنى دە اقىن مۇقاشيەۆتىكى دەيدى.

ءتىپتى اقىننىڭ سەكسەن جىلدىعىنا وراي شىعارىلعان كىتابىنا اتالمىش ءاندى قۇداش مۇقاشيەۆتىڭ ولەڭدەرى قاتارىنا قوسىپ، العاشقى بەتتەرىنە نوتاسىمەن تۇسىرگەن.

اقىن قۇداش مۇقاشيەۆتىڭ «سويلەپ ءبىر كەتسە وتكەندەر» كىتابىندا الىپ تۇلعالاردى ۇرى ەتىپ كورسەتكەن جازبا اقىن مۇحتار شاحانوۆتىڭ اشۋىن تۋدىرعان. 39 جاسىندا ومىردەن وتكەن اقىن قۇداش مۇقاشيەۆتىڭ جاقىندارى «اقسۋدان ۇشقان اققۋىم» ءانىن مۇحتار شاحانوۆ پەن ءشامشى قالداياقوۆ ۇرلاپ الدى»، - دەپ اشىق جازادى.

ءبىراق شاحانوۆ مىرزا 1968-جىلى ەلىمىزدىڭ وڭتۇستىگىندەگى مادەني اۋىلىنا ءشامشى ەكەۋى حالىقپەن كەزدەسۋگە بارعان كەزدە تۋعان ءان ەكەنىن ايتادى. اۋىل ماڭىنان اعىپ وتەتىن اقسۋ وزەنىنە ارناپ جازىلعان ءاننىڭ العاشقى ورىنداۋشىسى دا اقىننىڭ ەسىندە.

ءبىراق تاريحى تەرەڭدە جاتقان ءاننىڭ شاحانوۆ پەن قالداياقوۆقا تيەسىلى ەكەنىنە كۇمان كەلتىرگەندەردىڭ ءوز ايتارلارى بار. ولار العاشقى رەت 2010-جىلى «اقسۋدان ۇشقان اققۋىم» ءانىن مۇقاشيەۆتىكى دەپ «قازاق ادەبيەتى» گازەتىنە ماقالا جازادى. ءبىراق ءۇش جىل بويى ءبىر جاۋاپ بولماعان سوڭ، اقىرى «اقسۋدان ۇشقان اققۋلار» دەپ اتاۋىن وزگەرتىپ، ءسوزىن دە ، ءانىن دە قۇداش مۇقاشيەۆتىكى ەتىپ شىعاردىق دەيدى. كەيىن ءاننىڭ «وڭتۇستىك قازاقستان» باسىلىمىندا شىققان ءتۇپ نۇسقاسىن تاپقان مۇحتار شاحانوۆتىڭ دالەلىنەن سوڭ، ايىپ تاققان تاراپقا كەشىرىم سۇراۋعا تۋرا كەلگەن.

ليمارا ساليح، ءتىلشى:

ءشامشى قالداياقوۆ پەن مۇحتار شاحانوۆقا تاعىلعان ايىپتىڭ ارتى بىتىمگەرشىلىكپەن اياقتالۋى ابدەن مۇمكىن. ويتكەنى ءاننىڭ اقىن قابدەش مۇقاشيەۆقا تيەسىلى ەكەندىگى جونىندە ازىرگە ناقتى دالەل جوق. قالاي بولعاندا دا، «جالا جابىلدى» دەگەن كەشىرىم سۇرالماسا، ءىستى سوتقا بەرۋگە دايىن.

31.kz