قىتايدان قىزىقتى دەرەكتەر
«بىلە جۇرگەننىڭ ارتىعى جوق» دەگەن ناقىلدى ۇستانىپ، قىتاي «قىزىقتارىن» الدارىڭىزعا تارتىپ وتىرمىز.
1. اسكەريلەر باسىن تىك ۇستاۋى ءۇشىن جاعاسىنا ينە قاداپ الادى. سۋرەتكە انىقتاپ ءۇڭىلىپ قاراساڭىز جەتىپ جاتىر.
2. اسكەري پوليتسيانىڭ ساپ تۇزەپ، شەرۋ تارتقاندا قولدارىنىڭ بەلگىلى ءبىر دەڭگەيدە كوتەرۋىن قاداعالاۋ ءۇشىن ارنايى سىم تارتىلادى.
3. قىتايدا 100 ميلليونعا جۋىق ادام كۇنىنە 1 دوللارعا كۇنەلتەدى.
4. چۋنتسين ەلدىمەكەنىندە قالتا تەلەفونىمەن سويلەسكەن ادامدار اڭگىمەسىن ۇزگىسى كەلمەسە وسى ماقساتتا ارنايى توسەلگەن جولمەن جۇرەدى. جازاتايىم وقيعادان ساقتانىپ، بىرەۋدى جاراقاتتاپ الماسى ءۇشىن نەمەسە ءوزى كەمتار بولىپ قالماسى ءۇشىن.
5. قىتايدا كوبىنەسە مەيرامحانالاردا تاپسىرىس بەرمەيدى، ونداي جەرگە وزدەرىمەن بىرگە ۇيدەن الا شىققان تاماقتارىن جەۋ ءۇشىن باس سۇعادى.
6. قىتاي زايىرلى مەملەكەت بولعانىمەن بۇل ەلدەگى حريستيانداردىڭ قاراسى مۇسىلمانداردان ەكى ەسە كوپ. قىتايداعى حريستيانداردىڭ قاراسى 54 ميلليون ادامدى قۇرايدى.
7. الەمنىڭ وزگە ەلدەرىنە قاراعاندا قىتايدا تۇتقىنداردى 4 ەسە كوپ جازالايدى.
8. قىتاي پوليتسياسى قازدى اگەرسسيالىق «مىنەزى» مەن كوزىنىڭ جاقسى كورەتىنىنە بايلانىستى يتتەردىڭ ورنىنا ءجيى پايدالانادى.
9. قىتايدا دەموگرافيالىق احۋالعا بايلانىستى قولعا الىنعان ء«بىر بالا ساياساتى» بويىنشا جىل سايىن ميلليونعا جۋىق ايەل تۇسىك جاساتادى.
10. قىتايدا 30 ميلليون ادام ۇڭگىر ۇيلەردە تۇرادى. بۇل ۇيلەر «ياودۋن» دەپ اتالادى. ياعني، ءوز الدىنا ءبىر قۇرلىقتى الىپ جاتقان اۆستراليا حالقىنىڭ سانىنان كوپ.
11. قىتايدىڭ لاستانعان اۋاسى تىنىق مۇحيتىنىڭ ار جاعىنداعى سان- فرانتسيسكو قالاسىنىڭ اۋاسىن دا لاستاۋدا. دالىرەگى، سان- فرانتسيسكو قالاسى اۋاسىنىڭ ۇشتەن ءبىرىن وسى قىتايلىق شاھارلار لاستاپ وتىر.
12. بەيجىڭدەگى اۋامەن تىنىستاۋ - كۇنىنە 21 تەمەكى شەككەنمەن بىردەي.
13. قىتايدا جىل سايىن 4 ميلليون مىسىق جەلىنەدى.
14. شانحايداعى كولىك كەپتەلىسى رەكورد ورناتتى. ونىڭ ۇزىندىعى - 99 شاقىرىمعا جەتكەن جانە كولىك جۇرگىزۋشىلەر بۇل كەپتەلىستەن قۇتىلۋى ءۇشىن 12 كۇن كۇتكەن.
Islam.kz
