نۇرسۇلتان نازاربايەۆ قازاقستاندىقتاردى ەڭبەك كۇنىمەن قۇتتىقتادى
بۇل مەرەكە ەلباسىنىڭ 2013 -جىلعى 22 قاشاداعى جارلىعى بويىنشا قازاقستاندا تۇڭعىش رەت اتالىپ وتىر.
ء«اربىر قازاقستاندىقتىڭ لايىقتى، ادال جانە كاسىبي ەڭبەگى قازاقستاننىڭ ۇلى ماقساتى - الەمدەگى ەڭ دامىعان 30 ەلدىڭ قاتارىنا كىرۋىنىڭ كەپىلى بولماق» ، - دەدى ەلباسى قۇتتىقتاۋ سوزىندە.
«قازاقپارات» حاا نازارلارىڭىزعا قر پرەزيدەنتىنىڭ قۇتتىقتاۋ ءسوزىنىڭ تولىق ءماتىنىن ۇسىنىپ وتىر:
مەملەكەت باسشىسى نۇرسۇلتان نازاربايەۆتىڭ ەڭبەك كۇنىمەن قۇتتىقتاۋى
سىزدەردى ەڭبەك كۇنىمەن شىن جۇرەكتەن قۇتتىقتايمىن!
بيىل ءبىز بۇل مەرەكەنى العاش رەت اتاپ وتكەلى وتىرمىز.
ەلىمىز «قازاقستان 2050» ستراتەگياسىنىڭ نەگىزگى تۇعىرى - جالپىعا ورتاق ەڭبەك قوعامىن قالىپتاستىرۋ جولىندا سەنىممەن العا باسىپ كەلەدى.
قازاقستان ەكونوميكاسىندا زاماناۋي زاۋىتتار مەن كاسىپورىندار، جاڭا كۇرە جولدار سالىنىپ، ونداعان مىڭ جاڭا جۇمىس ورىندارى اشىلۋدا. كولىك جانە اۋە كەمەلەرىن جاساۋ، لوكوموتيۆتەر مەن عارىشتىق اپپاراتتار شىعارۋ جانە وزگە دە كوپتەگەن جوعارى تەحنولوگيالىق سالالار پايدا بولۋدا.
ءبىز اۋىلشارۋاشىلىعىن دامىتۋدىڭ، شاعىن جانە ورتا بيزنەستى قولداۋدىڭ اۋقىمدى باعدارلامالارىن ىسكە اسىرۋدامىز.
كاسىبي ماماندار دايارلاۋ سالاسىندا ساپالى وزگەرىستەر جۇزەگە اسىرىلىپ، دۋالدى ءبىلىم جۇيەسى ەنگىزىلۋدە.
جوعارى ناتيجەلى ەڭبەك ەتۋدى ىنتالاندىرۋ ءۇشىن «قازاقستاننىڭ ەڭبەك ەرى» اتاعى جانە «ەڭبەك ارداگەرى» ارنايى مەدالى بەرىلەدى. بۇل ماراپاتتار جىل سايىن ۇزدىك اۋىلشارۋاشىلىعى ەڭبەككەرلەرىنە، مەتاللۋرگتەرگە، مۇنايشىلارعا، ۇستازدارعا، دارىگەرلەرگە جانە وزگە دە كاسىپ وكىلدەرىنە تاپسىرىلادى.
ەڭبەككەرلەردى الەۋمەتتىك قورعاۋدىڭ دەڭگەيى كوتەرىلىپ، ەڭبەك قاتىناستارى تۋرالى ۇلتتىق زاڭدارىمىز جەتىلدىرىلۋدە، كاسىپوداقتاردىڭ ورنى نىعايا تۇسۋدە.
ءاربىر قازاقستاندىقتىڭ لايىقتى، ادال جانە كاسىبي ەڭبەگى قازاقستاننىڭ ۇلى ماقساتى - الەمدەگى ەڭ دامىعان 30 ەلدىڭ قاتارىنا كىرۋىنىڭ كەپىلى بولماق.
بۇگىنگى مەرەكە كۇنى مەن بارلىق وتانداستارىما زور دەنساۋلىق، ەڭبەكتە جاڭا تابىستار جانە اماندىق تىلەيمىن!
