اۆتوماتىن جوعالتىپ العان شىمكەنتتىك پوليتسەي جۇمىستان شىعارىلدى
پاترۋل-كۇزەت قىزمەتىنىڭ 26 جاستاعى سەرجانتىنا قاتىستى "سالاقتىق" بابى بويىنشا قىلمىستىق ءىس قوزعالدى.
پروكۋروردىڭ ايتۋىنشا، ەگەر ونىڭ كىناسى دالەلدەنسە، جىگىتتىڭ ءجۇرىپ-تۇرۋى ءبىر جىلعا شەكتەلىپ، بۇدان سوڭ قۇقىق قورعاۋ ورگاندارىندا جۇمىس ىستەي الماۋى مۇمكىن. سەرجانت پوليتسيادا نەبارى ەكى جىل جۇمىس ىستەگەن.
"قازىر وقيعانىڭ جاي-جاپسارى انىقتالىپ جاتىر. وقيعانىڭ 15.30 شاماسىندا بولعانى انىقتالدى. كالاشنيكوۆ اۆتوماتى جوعالىپ كەتكەن"، - دەدى پروكۋرور. ول سونىمەن بىرگە "قارۋ ۇرلاۋ" بابى بويىنشا دا قىلمىستىق ءىس قوزعالعانىن ايتتى. وبلىستا "پەرەحۆات" جوسپارى جاريالاندى. قارۋ كافە ماڭىنا قويىلعان اق ءتۇستى Lexus كولىگىنەن جوعالعان.
24 - قىركۇيەك كۇنى پوليتسەي دوستارىمەن بىرگە كافەگە تۇسكى اس ىشۋگە بارعان. استان شىققان كەزدە كولىكتەن 30 پاترونى بار اۆتوماتىن تابا الماي قالادى. ماشينا - پوليتسەيدىڭ جەكە كولىگى.
