قازاقتىڭ تاعى ءبىر ارقالى جازۋشىسى دۇنيەدەن ءوتتى

 استانا. قازاقپارات - بۇگىن جازۋشى، كينودراماتۋرگ، كۇيشى تالاسبەك اسەمقۇلوۆ دۇنيەدەن ءوتتى، دەپ حابارلايدى ادەبيەت پورتالى.

جازۋشى 1955 - جىلى 1 - تامىزدا سەمەي وبلىسى اياكوز اۋدانى اقتوعاي تەمىرجول ستانساسىندا دۇنيەگە كەلگەن. 1976-1980 - جىلدارى الماتى قالاسى، اباي اتىنداعى پەداگوگيكا ينستيتۋتى فيلولوگيا فاكۋلتەتىندە ءبىلىم العان.

1980-1983 ج. ج. - ىقىلاس دۇكەن ۇلى اتىنداعى ۇلت اسپاپتار مۋزەيىنىڭ عىلىمي قىزمەتكەرى. 1984-1987 ج. ج. - رەسپۋبليكالىق «جازۋشى» باسپاسىندا ادەبي رەداكتور. 1987-1998 ج. ج. - قۇرمانعازى اتىنداعى الماتى مەملەكەتتىك كونسەرۆاتورياسى فولكلور كابينەتىنىڭ مەڭگەرۋشىسى. 1998-2006 ج. ج. - رەسپۋبليكالىق «جۇلدىز» ادەبي جۋرنالىنىڭ سىن ءبولىمىنىڭ مەڭگەرۋشىسى. پروزا، ستسەناري جازۋمەن ينستيتۋتتا وقىپ جۇرگەن كەزىنەن- اق اينالىسقان.

رەسپۋبليكالىق باسپا سوزدە «اتايى» ، «كارى ات» ، «ارىلۋ» سياقتى اڭگىمەلەرى، «شىمدان» پوۆەسى جانە مۋزىكانتتاردىڭ ومىرىنە ارنالعان «تال ءتۇس» رومانى جارىق كورگەن. «كوكبالاقتىڭ ءولىمى» ، «ءبىرجان سال» ، «جەزتىرناق» ، «الماتى- استانا» ، «تۇمار پاديشا» سىندى كينوسەناريلەردىڭ اۆتورى. سونداي- اق رەسپۋبليكالىق باسپا سوزدە قازاق جانە ورىس تىلىندە ءتۇرلى ادەبيەت، مادەنيەتتانۋ تاقىرىپتارىنا ارنالعان ءبىرقاتار ماقالالارى جارىق كورگەن.

1973 -جىلى «بايجىگىت كۇيلەرى» اتتى جەكە گراند- ديسكى بۇكىل وداقتىق «مەلوديا» فيرماسىنان شىقتى. «ماڭگىلىك سارى» انتولوگياسىنا 20 دان استام، «قازاقتىڭ مىڭ كۇيى» (2009) انتولوگياسىنا 40 تان استام كۇيى ەنگەن. 2010 -جىلى پاريجدەن «تاتتىمبەتتىڭ مۇراسى» اتتى CD- ديسكى شىققان.