09:10, 29 - قىركۇيەك 2014 | GMT +5
قىتايدىڭ سولتۇستىك- شىعىسىندا اسا سيرەك كەزدەسەتىن مانجۋر جولبارىسىنىڭ ءىزى بايقالدى
استانا. قازاقپارات - لينكوۋدىڭ 1963 - جىل قۇرىلعان ورماندى وڭىرىندە (حيلۇڭجياڭ پروۆينتسياسى، سولتۇستىك- شىعىس قىتاي) العاش رەت اسا سيرەك كەزدەسەتىن مانجۋر جولبارىسىنىڭ ىزدەرى بايقالدى.
جەرگىلىكتى ساراپشىلار ۆەي ەسىمدى جەرگىلىكتى شارۋانىڭ مالىنا شاپقان جىرتقىشتىڭ ىزدەرىن زەرتتەي كەلە، امۋر جولبارىسى دەگەن ۇيعارىمعا كەلدى. بۇدان باسقا تاعى اڭ وزگە فەرمانىڭ دا ەكى ەشكىسىن جاۋكەمدەپ كەتكەن. بۇل وقيعالار لينكوۋ وڭىرىنە شەكارالىق اۋدانداردان جولبارىستىڭ كەلگەندىگىن بىلدىرەدى.
تابيعاتتا جولبارىستىڭ بۇل ءتۇرىنىڭ سانى 500 دەن اسپايدى. مانجۋر (امۋرلىق) جولبارىس نەگىزىنەن رەسەيدە، سولتۇستىك- شىعىس قىتايدا جانە كورەيا جارتى ارالدارىندا تىرشىلىك ەتەدى.
قىتايدا بار- جوعى18 دەن 22 ارالىعىندا عانا. ولار شەكارالىق اۋدانداردى مەكەن ەتەدى، دەپ حابارلايدى شينحۋا.
