09:03, 26 - قىركۇيەك 2014 | GMT +5
قاراعاندى وبلىسىنىڭ بۇرىنعى اكىمى باۋىرجان ابدىشيەۆ ەكى ايعا قاماۋعا الىندى - فوتو
قاراعاندى. قازاقپارات - قىزمەتتىك وكىلەتتىلىگىن تەرىس پايدالاندى دەپ ايىپتالعان قاراعاندى وبلىسىنىڭ بۇرىنعى اكىمى باۋىرجان ابدىشيەۆ قاماۋعا الىندى، دەپ حابارلايدى قازاقپارات ءتىلشىسى سوت زالىنان.
«باۋىرجان ابدىشيەۆ ەكى ايعا قاماۋعا الىندى»، - دەپ سوت قاۋلىسىمەن قازىبەك بي اۋداندىق سوتىنىڭ سۋدياسى باقىت احمەتوۆا تانىستىردى.
ابدىشيەۆتىڭ قورعاۋشىلارى ءۇيىن كەپىلدىككە قويۋ ارقىلى ونى بوساتۋدى سۇراعان. قاراعاندىنىڭ بۇرىنعى اكىمى ق ر ق ك 307-بابى - «قىزمەتتىك وكىلەتتىكتى تەرىس پايدالانۋ» بويىنشا ايىپتالىپ وتىر.
ايتا كەتەيىك، 23- قىركۇيەكتەن 24 نە قاراعان ءتۇنى قاراعاندى وبلىسىنىڭ بۇرىنعى اكىمى قىزمەتتىك وكىلەتتىكتى تەرىس پايدالاندى دەگەن كۇدىكپەن ۇستالعان بولاتىن.
