قانات يسلام مەكتەپ وقۋشىلارىنا سپورتتا جەتىستىككە جەتۋدىڭ جولىن كورسەتەدى
الماتى وبلىسى بويىنشا جوبا اياسىندا داڭقتى كاسىبي بوكسشى، بەيجىڭ وليمپياداسىنىڭ قولا جۇلدەگەرى، ق ر ەڭبەگى سىڭگەن سپورت شەبەرى قانات يسلام 26 - قىركۇيەك كۇنى ىلە اۋدانى بورالداي اۋىلىنداعى №15-مەكتەپتىڭ وقۋشىلارىمەن كەزدەسەدى. بۇل تۋرالى جالپى ۇلتتىق قوزعالىستىڭ مەديا ديرەكتورى قانات اۋەسباي حابارلادى.
بوكسشى مەكتەپتىڭ جوعارى سىنىپ وقۋشىلارىنا سپورتتا جەتىستىككە جەتۋدىڭ سىرلارىمەن ءبولىسىپ، سالاۋاتتى ءومىر سالتىن قالىپتاستىرۋدىڭ ماڭىزىن تۇسىندىرەدى.
«جوبانىڭ ماقساتى - وقۋدا نەمەسە قىزمەتتە بەلگىلى ءبىر جەتىستىكتەرگە قول جەتكىزگەن ءبىلىمدى ازاماتتاردى اۋىلداعى جاس جەتكىنشەكتەرگە ءبىلىم بەرۋ ىسىنە تارتىپ، تاجىريبەسىمەن بولىسۋگە شاقىرۋ. بۇل ءۇشىن ءبىز «حالىق مۇعالىمدەرىنەن» قۇرالعان ەرىكتىلەر قوزعالىسىن قۇرىپ، ونى ودان ءارى دامىتۋدى كوزدەپ وتىرمىز. اۋىل جاستارىنا ۇلگى-ونەگە بەرۋ ارقىلى ورىن العان كەمشىلىكتەردى جويىپ، جەتىستىكتەرگە جەتۋىنە تۇرتكى بولۋدى كوزدەپ وتىرمىز»، - دەيدى قوزعالىس مەديا ديرەكتورى قانات اۋەسباي.
