ق ر مەملەكەتتىك شەكاراسىنان زاڭسىز وتكەن وزبەكستان ازاماتى ۇستالدى

قاراعاندى. قازاقپارات - قاراعاندىدا قازاقستاننىڭ مەملەكەتتىك شەكاراسىنان زاڭسىز وتپەك بولعان وزبەكستان ازاماتى بولىپ تابىلاتىن ايەل ادامعا قاتىستى قىلمىستىق ءىس قوزعالدى.

بۇل تۋرالى وبلىستىڭ ءى ءى د باسپا ءسوز قىزمەتىنەن حابارلادى.

«كوشى-قون زاڭناماسىن بۇزعانى ءۇشىن وزبەكستان ازاماتى ەل اۋماعىنان وسىعان دەيىن شىعارىلعان بولاتىن. ول ەلدەن كەتىپ قالعان، ال قىركۇيەكتە قازاقستانعا زاڭسىز قايتىپ كەلگەن. وعان قاتىستى ق ر ق ك 330-بابى بويىنشا قىلمىستىق ءىس قوزعالدى»، دەلىنگەن حابارلامادا.

وزبەكستاننىڭ تاعى ەكى ازاماتىنا قاتىستى ق ر ق ك 330-1 -بابى بويىنشا قىلمىستىق ىستەر قوزعالدى.

«وبلىستا 22-26 - قىركۇيەك ارالىعىندا «زاڭسىز كەلۋشى» رەسپۋبليكالىق جەدەل الدىن الۋ شاراسىنىڭ ەكىنشى كەزەڭى جۇرگىزىلۋدە. وڭىردە جەدەل الدىن الۋ شاراسىن جۇرگىزۋ بارىسىندا كوشى-قون زاڭناماسىن بۇزعان 300 شەتەلدىك انىقتالدى. قازاقستاننىڭ ەكى ازاماتى شەتەلدىك ازاماتتاردى جۇمىس كۇشى رەتىندە تارتىپ، پايدالانعانى ءۇشىن اكىمشىلىك جاۋاپكەرشىلىككە تارتىلدى»، - دەپ كورسەتىلگەن حابارلامادا.

قازاقستانعا كەلۋ ەرەجەسىن بۇزعاندارى ءۇشىن ءۇش شەتەلدىك ەل اۋماعىنان شىعارىلدى. قابىلداۋ-ءبولۋ بولىمىنە 6 شەتەلدىك ءتۇستى. «زاڭسىز كەلۋ» شاراسى بارىسىندا ىزدەۋدە جۇرگەن 4 قىلمىسكەر ۇستالدى.