ەلۋ جىل كولىك ايداعان باتىس قازاقستاندىق بىردە-ءبىر رەت جول ەرەجەسىن بۇزباعان
شارانى «نۇر وتان» پارتياسىنىڭ فيليالىمەن بىرلەسىپ اكىمشىلىك پوليتسيا باسقارماسى ۇيىمداستىردى.
«جولداعى قابىلداۋ» «ورال- دارينسك- رۋبەجكا- يانۆارتسيەۆو» باعىتى بويىنشا ءجۇرىپ ءوتتى. اكسياعا قاتىسقان 190 عا جۋىق جۇرگىزۋشىگە پوليتسەيلەر ساۋالناما قاعازىن تاراتتى. ونداعى سۇراقتاردىڭ بارلىعى جول قوزعالىسى ەرەجەلەرىنە قاتىستى بولدى. ساۋالنامانى تولتىرعاندار اتى-ءجونىن كورسەتكەن جوق.
«ورال- كيرسانوۆو ۋچاسكەسىندەگى تاس جول وتە ناشار. سونداي-اق چەبوتاريەۆو، چيروۆا جانە چەسنوكوۆو اۋىلدارىنداعى اۆتوجولدار جوندەۋدى قاجەت ەتەدى»، - دەپ اتاپ ءوتتى جۇرگىزۋشى تىلەكقابىل جاناليەۆ.
اكسيا بارىسىندا جول بەلگىلەرىنە نازار اۋدارىلدى. اسىرەسە زەلەنوۆ اۋدانى ەلدى مەكەندەرىنىڭ ماڭىنداعى جول بەلگىلەرى ۇرلانعان، كەيبىرى ءبۇلىنىپ، قيراپ قالعان.
سونداي-اق شارا اياسىندا زەلەنوۆ اۋدانى كراسنوارمەيسك كەنتىنىڭ تۇرعىنى ۆالەنتين ۆيكتوروۆيچ ەرميلوۆقا «ۇزدىك جۇرگىزۋشى» نوميناتسياسى بويىنشا ديپلوم تابىستالدى. ونىڭ كولىك ايداعانىنا 50 جىلدان اسسا دا، ول بىردە-ءبىر رەت ايىپپۇل تولەپ كورمەگەن.
