ناتو نەگە دايىندالىپ جاتىر؟
دەرەككوزدىڭ مالىمەتى بويىنشا، ناتو (NATO) جاڭا بازالاردا شۇعىل ارەكەت ەتەتىن اسكەري قۇرامداعى 4000 ادامدى ورنالاستىرادى. مۇنداي ارەكەت ارقىلى ناتو ءوز مۇشەلىگىندەگى ەلدەردى رەسەيدەن كەلەتىن قاۋىپتەن ساقتاۋدى قاراستىرادى، اليانس مۇشەلەرىنىڭ رەسەيدى ۋكراينانىڭ تاۋەلسىزدىگىنە قول سۇعىپ وتىر دەپ ەسەپتەيتىنى بەلگىلى.
ەسكە سالايىق، جۋىردا ناتو- نىڭ باس حاتشىسى اندەرس فوگ راسمۋسسەن اليانستىڭ شىعىس ەۋروپادا جاڭا بازا اشۋدى جوسپارلاپ وتىرعانىن مالىمدەگەن بولاتىن. سونداي- اق ۋكرايناداعى جاعدايعا بايلانىستى قورعانىستى كۇشەيتۋ ءۇشىن ناتو- عا مۇشە جەتى ەلدىڭ جاڭا شۇعىل ارەكەت ەتۋ كۇشتەرىن قۇرعالى وتىرعانى دا حابارلانعان. ۇلى بريتانيانىڭ جاساقتارعا قولباسشىلىق ەتۋدى ءوز موينىنا الاتىنى دا ايتىلدى. ودان بولەك، بۇعان دانيا، لاتۆيا، ەستونيا، ليتۆا، نورۆەگيا جانە نيدەرلاندى دا قاتىسادى. سونىمەن قاتار جاڭا بىرلەستىككە كىرۋگە كانادا دا قىزىعۋشىلىق بىلدىرگەن.
ناتو- نىڭ باستى ماقساتى - بىرلەسكەن ەكسپەديتسيالىق، شۇعىل ارەكەت ەتەتىن جانە ءجيى وقۋ- جاتتىعۋ جۇمىستارىن وتكىزەتىن جاڭا كۇش قۇرۋ. وداققا كىرەتىن اسكەريلەردىڭ سانى 10 مىڭنان اسۋى مۇمكىن. ب ا ق مالىمەتى بويىنشا، جاڭا اسكەري وداقتىڭ قۇرىلعانىن ۇلى بريتانيا پرەمەر- ءمينيسترى دەۆيد كەمەرون قىركۇيەكتىڭ باسىندا جاريالايدى.
ال رەسەي ناتو- نىڭ جاڭا اسكەري وداق قۇرۋى ەۋرواتلانتيكالىق تۇراقتىلىقتىلىققا زارداپ تيگىزەتىن ايتىپ، ءوزىنىڭ قاۋىپسىزدىگىن قامتاماسىز ەتۋ ماقساتىندا ناتو- نىڭ شىعىستاعى ارەكەتى ءۇشىن جاۋاپ قايتارادى دەپ ۋادە بەردى. رەسەيدىڭ قورعانىس ءمينيسترى سەرگەي شويگۋ ءوزىنىڭ امەريكالىق ارىپتەسى چاك حەيگەلمەن اڭگىمە بارىسىندا ا ق ش پەن ناتو- نىڭ رەسەي شەكاراسىنداعى اسكەري ارەكەتتەردىڭ كوبەيىپ كەتكەنىنە الاڭداۋشىلىق بىلدىرەتىنىن ايتتى - Tengrinews.kz.
