13:22, 04 - قىركۇيەك 2014 | GMT +5
اسكەري ۇشاق ۇكىمەت عيماراتى ماڭىنا قۇلادى - كەسكىن
استانا. قازاقپارات - ليۆيانىڭ شىعىسىنداعى توبرۋك قالاسىندا اسكەري ۇشاق اپاتقا ۇشىراپ، ءبىر بالا مەن 3 ەرەسەك ادام قازا تاپتى.
اجال قۇشقاندار اراسىندا ۇشقىش تا بار. تاعى 9 ى جاراقات الدى. اقپارات كوزدەرىنىڭ حابارلاۋىنشا، اۋە كولىگى ۇكىمەت عيماراتتارىنىڭ جانىنا قۇلاپ، وقيعا ورنىندا الاپات ءورت شىققان.
الدىن الا مالىمەتتەرگە قاراعاندا، اپاتقا ۇشاقتىڭ گيدراۆليكالىق باسقارۋ جۇيەسىندەگى اقاۋ سەبەپ بولعان. ايتا كەتەيىك، تامىز ايىندا ليۆيا پارلامەنتى قاۋىپسىزدىك ماقساتىندا توبرۋك قالاسىنا كوشىرىلگەن. ويتكەنى ەل استاناسى تريپولي ماڭىندا ءتۇرلى توپ اراسىندا قارۋلى شايقاس جالعاسۋدا.
24.kz
