جاپون تەڭىزىندە رەسەي، ۋكراين ازاماتتارى بار جۇك كەمەسى باتىپ كەتتى

استانا. قازاقپارات - جاپون تەڭىزىندە تۇندە داۋىل تۇرىپ، Poline تەپلوحودى سۋعا باتىپ كەتتى.

رەسەيدىڭ قۇتقارۋ- ۇيلەستىرۋ مەملەكەتتىك ورتالىعىنىڭ جەدەل كەزەكشىلىك ءبولىمى ەكيپاجدا ون ادام بولعانىن، ونىڭ 9 ى قۇتقارىلىپ، بىرەۋى ءىز- ءتۇزسىز جوعالىپ كەتكەنىن ايتتى، دەپ جازادى يتار- تاس.

 جوعالعان تەڭىزشىنى ىزدەۋگە ساحالين تەڭىز- كەمە شارۋاشىلىعىنىڭ «الدان» تەپلوحودى، جاپونيانىڭ پاترۋلدىك كەمەسى مەن وڭتۇستىك كورەيانىڭ «Golden shake»   كەمە ەكيپاجدارى جۇمىلدىرىلدى.

كەمەدە بولعان 9 ادام رەسەي فەدەراسياسىنىڭ، بىرەۋى ۋكراينانىڭ ازاماتى.

جۇك كەمەسى پلاستۋن پورتىنان قىتايعا بەت العان.

Poline كەمەسى 1981 - جىلى فينليانديادا جاسالعان. كەمە ۇزىندىعى 83 مەتر، وعان 3085 توننا جۇك تيەۋگە بولادى.