عالىمدار: تۋعان كۇننىڭ ادام دامۋىنا اسەرى بار

استانا. قازاقپارات - سوڭعى ۋاقىتتاردا عالىمدار ادامنىڭ تۋعان كۇنى ارقىلى تاعدىرىن بولجاپ بىلۋگە بولادى دەگەن تۇجىرىم جاساۋدا.

چيكاگو ۋنيۆەرسيتەتىنىڭ باس عىلىمي مامانى لەونيد گاۆريلوۆتىڭ زەرتتەۋى بويىنشا، ناۋرىز ايىندا تۋعاندارعا قاراعاندا كۇزدە تۋعان ادامداردىڭ 100 جاسقا دەيىن ءومىر ءسۇرۋ مۇمكىندىگى 40 پايىزعا جوعارى بولىپ كەلەدى ەكەن. سونداي-اق ول قىستا نەمەسە كوكتەمدە تۋعاندار شيزوفرەنيا مەن كۇيزەلىسكە اناعۇرلىم بەيىم بولاتىندىعىن انىقتادى. سونىمەن قاتار قىستا تۋعاندار الىستان ناشار كورەدى جانە اللەرگيالىق سىرقاتتارعا بەيىم كەلەدى ەكەن.

ال دانيادا ون جىل بويى بالالاردان قان اناليزىن الىپ، ونى ۇزاق جىلدار ساقتاعان. سونىڭ ناتيجەسىندە ⅩⅩعاسىردىڭ 80-90-جىلدارى D دارۋمەنىنىڭ دەڭگەيى تومەن بولىپ تۋعان بالالاردىڭ كوبىسىنىڭ شيزوفرەنياعا شالدىققانى دالەلدەندى، دەپ جازادى شەتەلدىك ب ا ق.