وقۋشى شۋماحەر تۋرالى كىتاپ جازىپ، كۋميرىنە جولدادى

استانا. قازاقپارات - بريتاندىق وقۋشى ەيدەن گورملي ميحاەل شۋماحەر تۋرالى كىتاپ جازىپ، ونىڭ ءبىر داناسىن كۋميرىنە سىيعا تارتتى، دەپ جازادى Euromag.

وقۋشى كىتابىن «فەرراريدىڭ شىم-شىتىرىق وقيعالارى» دەپ اتاعان. ول ءۇشىن اۆتوكونسەرننەن برەندتى كىباتىندا پايدالانۋعا ارنايى رۇقسات تا العان.

ول كىتاپتان تۇسكەن قاراجاتتىڭ بارلىعى قايرىمدىلىق قورىنا اۋدارماق. «مەن كىشكەنتايمىن، ماعان باي بولۋعا ءالى ەرتە»، - دەپتى جاس اۆتور.

وقۋشىنىڭ سىيلىعىن قابىل العان سپورتشىنىڭ جۇبايى كورينا شۋماحەر ريزاشىلىق ءبىلدىرىپ، حات جولداعان. وندا: «ءبىزدىڭ ميحاەل قايسار ادام، ول وڭايشىلىقپەن بەرىلمەيدى» دەپ جازىلعان.

ەسكە سالا كەتەيىك م. شۋماحەر 2013-جىلدىڭ جەلتوقسانىنان 2014-جىلدىڭ ماۋسىمىنا دەيىن كومادا جاتتى، دارىگەرلەردىڭ ايتۋىنشا، روجدەستۆو مەرەكەسىنە دەيىن ول اۋرۋحانادان شىعادى.