تاشكەننىڭ تۇرىگى - تۇركيانىڭ پرەمەرى
- تۇركيانىڭ ستراتەگيالىق ماقساتى - ەۋروداققا ءوتۋ بولىپ تابىلادى. سونىمەن قاتار تۇركيا ءوزىنىڭ كوپ ۆەكتورلى ساياساتىن ودان ارى جۇرگىزە بەرەدى، - دەپ مالىمدەدى احمەت داۆۋتوگلۋ ادىلەتتىلىك جانە دامۋ پارتياسىنىڭ جينالىسىندا.
10- تامىزدا بولعان سايلاۋدا 52 پايىز داۋىس العان ەردوعان ەل پرەزيدەنتى بولىپ سايلانعانى بەلگىلى. ەندى پرەمەردىڭ ورىنتاعىنا ەندى تاشكەننىڭ تۇرىگى وتىردى. سونىمەن قاتار ول ادىلەتتىلىك جانە دامۋ پارتياسىنىڭ ليدەرى بولىپ سايلاندى.
بۇرىن تۇركيانىڭ سىرتقى ىستەر ءمينيسترى بولىپ قىزمەت ىستەگەن احمەت داۆۋتوگلۋ وزبەكستانعا كەلگەن ءبىر ساپارىندا اعىنان جارىلا اڭگىمە ايتقان.
- مەن سىرتقى ىستەر ءمينيسترى بولا ءجۇرىپ، بۇل ساپاردى بەس جىلدان بەرى كۇتتىم. تاشكەنت اۋدانىنىڭ كونيا پروۆينتسياسىندا تۋىلدىم. مەن تاشكەنتتە تۋىلعاندىقتان ءبىرقاتار حالىقارالىق كەزدەسۋلەردە مەنى وزبەكستاننىڭ وكىلى رەتىندە قابىلدادى. مۇنى تۇزەتۋگە دە تىرىسپادىم. ويتكەنى تۋعان ەل مەن جەردىڭ ءجونى بولەك قوي، - دەگەن احمەت داۆۋتوگلۋ ەندى مىنە، پرەمەرلىك تاققا دا وتىردى.
«ايقىن گازەتى»
