08:24, 03 - قىركۇيەك 2014 | GMT +5
تانىمال ارتىستەردىڭ جەكە فوتولارىنىڭ ۇرلانۋىنا سەبەپكەر كىم؟
استانا. قازاقپارات - الەمگە تانىمال جۇلدىزداردىڭ جەكە فوتولارىنىڭ (جارتىلاي جالاڭاش) عالامتورعا جايىلىپ كەتۋىنە ماقساتتى شابۋىل سەبەپ بولعان، دەپ حابارلايدى Apple كورپوراتسياسى.
كومپانيا پايدالانۋشىلارىنا جەكە سۋرەتتەردىڭ تارالىپ كەتۋىنە Apple iCloud - دەرەكتى كوپپەن ءبولىسۋ جۇيەسىنەن بولعان اقاۋ سەبەپ ەمەستىگىن دالەلدەۋ ماقساتىندا جەكە زەرتتەۋ جۇرگىزگەن.
Apple-دىڭ اقپاراتىنشا، حاكەرلەردىڭ شابۋىلى ناقتى ادامداردىڭ ەسىمدەرىنە جانە قۇپيا كودتارىنا باعىتتالعان.
داۋلى وقيعاعا بايلانىستى ءىستى تەرگەۋ جۇمىسىنا ف ب ر قىزمەتكەرلەرى دە ارالاسقان.
ايتا كەتەيىك، وسىدان ءبىراز بۇرىن تانىمال ءبىر توپ جۇلدىزدىڭ جەكە فوتولارى عالامتورعا جايىلىپ كەتكەن بولاتىن. وعان جاۋاپتى ادامدار ءالى ىزدەستىرىلۋدە.
