يمام بالالاردى قۇتقارامىن دەپ ءوزى سۋعا كەتتى

استانا. قازاقپارات - بىرىككەن اراب امىرلىكتەرىندەگى ءال- اين قالاسىنىڭ يمامى قايعىلى جاعدايدا قازا تاپتى، دەپ حابارلادى www.muslim.kz.

قىرىقتىڭ بەسەۋىنە كەلگەن ابدۋل راحمان مۇستافا دابيس سول كۇنى ءوزىنىڭ ۇلى جانە تۋىسقان ىنىسىمەن بىرگە كولگە كەلگەن بولاتىن. گيدروتسيكلمەن كول بەتىندە سەرۋەندەپ جۇرگەن ولار ابايسىزدا ۇلكەن تولقىنعا كەز بولىپ، بالالار سۋعا قۇلاپ تۇسەدى. ۇلى مەن تۋىسقان ءىنىسىن قۇتقارامىن دەپ جانتالاسقان ءدابيستى اساۋ تولقىن وزىمەن بىرگە الا كەتتى. قۋانىشقا وراي، بالالاردىڭ ەكەۋى دە امان قالادى.

«ول ءوزىنىڭ ۇلى مەن ىنىسىنە العاشقى بولىپ كومەككە ۇمتىلدى. الايدا، ىرىق بەرمەس اساۋ اعىسقا قارسى تۇرا الماي، وپات بولدى»، - دەلىنگەن جەرگىلىكتى Al Khaleej گازەتىندە.

دابيس يمام ءوزىنىڭ 15 جىلدىق جۇمىس بارىسىندا نەكە قيۋمەن جانە وتباسىلىق شاريعات كەڭەسشىسى بولىپ قىزمەت اتقارعان.