سينگاپۋر عالىمدارى: ەكى ءتىلدى بۇلدىرشىندەر اقپاراتتى تەز قابىلدايدى

استانا. قازاقپارات - سينگاپۋر زەرتتەۋشىلەرى ەكى ءتىلدى بۇلدىرشىندەردىڭ ەستە ساقتاۋ قابىلەتى جوعارى جانە ولار اقپاراتتى تەز قابىلداپ، قورىتا الاتىن قاسيەتكە يە دەگەن قورىتىندىعا كەلدى.

بۇل تۋرالى The Straits Times باسىلىمى حابارلادى. زەرتتەۋشىلەر مۇنداي قاسيەتتى عىلىمي تاجىريبە جۇرگىزگەندە التى ايلىق 114 سابيلەردىڭ بويىنان تاپقان. ولاردىڭ جارتىسى ەكىنشى ءتىل رەتىندە قىتاي، مالاي، تاميل تىلىندە سويلەيتىندەردىڭ اراسىندا ءومىر سۇرگەن. عىلىمي تاجىريبە كەزىندە سابيلەردىڭ كوزدەرىنىڭ قوزعالىسىنا، اقپاراتتى قابىلداۋىنا قاتتى ءمان بەرىلگەن.

باستاپقىدا ولارعا ايۋ جانە قاسقىردىڭ سۋرەتى ۇسىنىلعان. زەرتتەۋشىلەر بۇل ارەكەتىن ەكىنشى رەت قايتالاعاندا ەكىتىلدى تۇسىنەتىن سابيلەر تانىس بەينەگە از ۋاقىت قاراعان. ال بىرتىلدىلەر ۇزاق ۋاقىت كوز الماعان. ەكىنشى زەرتتەۋدەگى جاڭا سۋرەتتى ەكىتىلدى تۇسىنەتىن سابيلەر ۇزاق تاماشالاسا، ءبىر تىلدىلەر العاشقىداعىداي ۇزاق زەر سالعان.

زەرتتەۋ جۇمىستارىنىڭ اۆتورى، پروفەسسور لەەر سينگح Child Developmentجۋرنالىنا بەرگەن سۇحباتىندا زەرتتەۋ ناتيجەلەرى ەكى ءتىلدى نارەستەلەر اينالاسىنداعى اقپاراتتى جىلدام قابىلدايدى جانە ولاردىڭ زەردەسى جاقسى بولادى دەگەن شەشىمگە كەلگەنىن ايتىپ وتكەن.

24.kz