قازاقستاننىڭ ۇشاعى قىتايدا اۋەجايعا اپاتتى جاعدايدا قوندى
- دەپ حابارلايدى China Military Online.
سونىڭ سالدارىنان اۋە حابى ۋاقىتشا جابىلىپ، بىرنەشە رەيستىڭ كەستەسىن وزگەرتۋگە تۋرا كەلدى.
2014- جىلدىڭ 1- قىركۇيەگىندە قىتاي ارمياسىنىڭ رەسمي اقپارات قۇرالى - PLA Daily وقيعانىڭ جاي-جاپسارى تۋرالى تولىق حابارلادى. «ق ر ا ق ك سۋ-27 جويعىش ۇشاعى 30 - تامىز كۇنى «بەيبىت ميسسيا-2014» بىرلەسكەن جاتتىعۋىنان ەلگە قايتىپ كەلە جاتقاندا زاقىمدانعان. سونىڭ سالدارىنان قازاقستاندىق ۇشاقتىڭ اسكەري توبى قوسىمشا جوسپارعا سايكەس، اۋەجايعا قوندى»، - دەپ PLA Daily. حابارلادى.
South China Morning Post باسىلىمىنىڭ حابارلاۋىنشا، سۋ-27- مەن بىرگە اۋەجايعا تۋ-134, ان-72 ۇشاقتارى مەن تاعى ەكى سۋ-27 دە قونۋعا ءماجبۇر بولدى. China Radio International-دىڭ مالىمەتىنشە، قازىر اپاتتى ۇشاقتان باسقالارى قازاقستانعا ورالعان. سۋ-27 جوندەۋدەن سوڭ ەلگە قايتادى.
ىشكى موڭعوليادا وتكەن «بەيبىت ميسسيا-2014» جاتتىعۋىنا رەسەي، قازاقستان، قىرعىزستان، تاجىكستان اسكەريلەرى قاتىستى. بەس كۇندىك جاتتىعۋ جىل سايىن وتەدى. شاڭحاي ىنتىماقتاستىق ۇيىمىنا مۇشە ەلدەر بۇل جاتتىعۋدى تەرروريزممەن كۇرەس ماقساتىندا 2005- جىلدان بەرى ۇيىمداستىرىپ كەلەدى.
Tengrinews.kz
