11:20, 01 - قىركۇيەك 2014 | GMT +5
جولاۋشىلار ۇشاعى اۆتوموبيلمەن سوقتىعىستى
استانا. قازاقپارات - ماگادان اۋەجايىندا «اۆرورا» اۆياكومپانياسىنىڭ جولاۋشىلار ۇشاعى جۇك تاسيتىن اۆتوموبيلمەن سوقتىعىسىپ ءبۇلىندى، دەپ حابارلادى يتار-تاسس.
وسى وقيعاعا بايلانىستى ماگادان- حاباروۆ-ۆلاديۆوستوك رەيسى الىنىپ تاستالدى، دەپ حابارلادى اۆياكومپانيانىڭ وكىلى.
«جەر ءۇستى قىزمەتىن كورسەتۋ ۇستىندە جۇك ماشيناسى Airbus ا319 ۇشاعىمەن سوقتىعىستى، ونىڭ سالدارىنان اۋە كەمەسىنىڭ گەرماتيكاسىنا نۇقسان كەلدى. اپات سالدارىنان 31- تامىزدا ماگادان-حاباروۆ- ۆلاديۆوستوك رەيسى توقتاتىلدى»، - دەپ حابارلادى سۇحباتتاسۋشى.
دەرەككوزدىڭ مالىمەتىنە قاراعاندا، جولاۋشىلار (61 ادام) قوناقۇيلەرگە ورنالاستىرىلىپ، ىستىق تاعاممەن قامتاماسىز ەتىلگەن. تاياۋداعى ۋاقىتتا ولار باراتىن جەرلەرىنە اتتانادى.
ماگادان اۋەجايىندا وقيعانىڭ ءمان-جايى مەن سەبەپتەرىن تەكسەرەتىن ارنايى كوميسسيا قۇرىلدى.
