قىتاي رەسەيگە كوكونىس پەن جەمىس جىبەرەتىن ساۋدا الاڭىن اشتى

استانا. قازاقپارات - قىتاي كومپانياسى رەسەيدىڭ قيىر شىعىس اۋماعىنا كوكونىس پەن جەمىستەردى تىكەلەي جىبەرىپ تۇرۋ ءۇشىن شەكاراعا جاقىن ماڭنان الاڭ دايىندادى. «دۋننين ۋەزىندە «باوجۋن» كومپانياسىنىڭ كەدەندىك باقىلاۋ ايماعىندا قىتاي-رەسەي ترانسشەكارالىق ەلەكتروندى كوممەرتسياسى جوباسىن اشۋعا ارنالعان سالتاناتتى شارا وتەدى.

بۇل قىتايدىڭ كوكونىس جانە جەمىس وسىرەتىن كومپانيالارىنىڭ دۋننيندەگى باقىلاۋ-وتكىزۋ بەكەتى ارقىلى رەسەيگە ونىمدەرىن ەندى تىكەلەي جىبەرىپ تۇرۋلارىنا جول اشىلعانىن بىلدىرەدى»، - دەدى حەيلۋنتسزيان پروۆينتسياسى قولدانبالى ەكونوميكا قاۋىمداستىعىنىڭ ءتوراعاسى چجان چۋنتسزياو.

ونىڭ ايتۋىنشا، «باوجۋن» ايماعى رەسەيدىڭ قيىر شىعىسىنا كوكونىس-جەمىس ونىمدەرىن ەكسپورتقا جىبەرەتىن لوگيستيكالىق ورتالىق - قىتاي ىشىنەن ءونىم جيناپ، جۇكتەردى بولىسكە سالاتىن، باعاسىن قالىپتاستىراتىن ورىن بولادى. شىن مانىندە بۇل جەر 30 مىڭ شارشى مەترلىك قويماسىمەن، مۇزداتقىشتارمەن جانە باسقا دا كەشەندى قۇرىلىستارمەن جابدىقتالعان 70 مىڭ شارشى مەتر الاڭى بار كوتەرمە ساۋدا ورنىنا اينالادى.

دۋننين باقىلاۋ-وتكىزۋ بەكەتىندە كەدەندىك راسىمدەۋ شارالارى بارىنشا قىسقا مەرزىمدە اتقارىلادى. قويمادا ساقتالىپ قالعان زاتتار شەكارادان وتكىزىلەردە قايتادان تەكسەرىلمەيدى.

بۇل ينۆەستيتسيالىق جوبانىڭ قۇنى 60 ميلليون يۋاننان اسادى.

چجان چۋنتسزياونىڭ سوزىنە قاراعاندا، 2014-جىلدىڭ سوڭىندا رەسەي فەدەراتسياسىنا اۋىل شارۋاشىلىعى داقىلدارىن جونەلتەتىن تاعى ءبىر وسىنداي پلاتفورما اشىلادى. ونى باسقا كومپانيا سالادى.

egemen.kz