ۋكراينا ۇشاعى الجيردە اپاتقا ۇشىرادى

استانا. قازاقپارات - ۋكراينانىڭ جۇك اۋە كولىگى الجيردە اپاتقا ۇشىرادى، الدىن الا كەلىپ تۇسكەن دەرەكتەر بويىنشا، ونداعى جەتى ەكيپاج مۇشەسىنىڭ بارلىعى كوز جۇمعان دەپ حابارلايدى ۋكراينا سء ى م- نە سىلتەمە جاساعان ر ي ا نوۆوستي.

الدىندا اراب تىلىندەگى «سابر» گازەتى ۇشاق الجير ۋاقىتى - 02.39 دا تامان راسسەت قالاسى اۋەجايىنان كوتەرىلگەننەن كەيىن ءۇش مينۋتتان سوڭ قۇلادى دەپ حابارلاعان.

«الجيردەگى ۋكراينا ەلشىلىگىنىڭ مالىمەتىنە سۇيەنسەك، بۇگىن تاڭەرتەڭ تامان راسسەت (الجير) - مالابو (ەكۆاتورلى گۆينەيا) باعىتى بويىنشا مۇناي قۇرال-جابدىقتارىن تاسىمالدايتىن «ۋكراينا- اەرواليانس» كومپانياسىنا تيەسىلى ان-12 جۇك كولىگى اپاتقا ۇشىراعان. الدىن الا كەلتىرىلىپ جاتقان دەرەكتەر بويىنشا، ونداعى ۇشاقتىڭ جەتى ەكيپاج مۇشەسىنىڭ بارلىعى كوز جۇمعان» دەپ حابارلايدى ۋكراينا سىرتقى ساياسات ۆەدومستۆاسى.

قازىر اپات ورىن العان جەردە ماماندار ۇشاقتىڭ قالدىقتارىن ىزدەستىرۋ جۇمىستارىن جۇرگىزىپ جاتىر.

Tengrinews.kz