عالىمدار: قىزىل ەت جەۋدەن باس تارتۋ ادامدى كۇيزەلىسكە ۇشىراتادى
اسىرەسە، ايەل ادامدارعا تەك بالىق نەمەسە قۇس ەتىن تۇتىنۋ ۇسىنىلاتىن. الايدا پروفەسسور مايكل راسسەل بۇل پايىمداۋمەن كەلىسپەيتىنىن ءبىلدىرىپ، قىزىل ەتتەن باس تارتۋ ادامنىڭ دەنساۋلىعى مەن سىرتقى كەلبەتىنە كەرى اسەرىن تيگىزۋى مۇمكىن دەپ سانايدى، دەپ جازادى Medicinform.
عالىم ءوز زەرتتەۋى بارىسىندا قۇس ەتىنىڭ دە، بالىقتىڭ دا قىزىل ەتتە بولاتىن جانۋارلار اقۋىزىنىڭ ورنىن تولتىرا المايتىنىن انىقتادى.
سونداي-اق جانۋارلار ەتىندە قاننىڭ قىزىل تۇيىرشىكتەرىن جاساۋ ءۇشىن قاجەتتى تەمىر مول، ال ونىڭ تاپشىلىعى انەميا اۋرۋىن تۋدىرىپ، ادامنىڭ ءجيى شارشاۋىنا، جۇمىس قابىلەتىنىڭ تومەندەۋىنە، ۇيقىسىنىڭ بۇزىلۋىنا، كۇيزەلىسكە ۇشىراۋىنا اكەلەدى. سونىمەن قاتار تىرناق پەن شاشتىڭ سىنعىشتىعى، تەرىنىڭ تۇلەۋى بايقالادى، كوزدىڭ استى قارايىپ كەتەدى. تەمىر جەتىسپەۋشىلىگىنىڭ ادام اعزاسىنىڭ رەپرودۋكتيۆتى قىزمەتىنە دە كەرى ىقپالى بار.
ا ق ش اۋرۋلاردى باقىلاۋ جانە الدىن الۋ ورتالىعى ماماندارىنىڭ پىكىرىنشە، مايلى ەمەس ەت قانداعى حولەستەرين تەپە-تەڭدىگىنىڭ ساقتالۋىنا سەپتىگىن تيگىزىپ، جۇرەك-قان تامىرى جۇيەسىن ءتوزىمدى ەتەدى ءارى زات الماسۋ پروتسەستەرىن رەتتەيدى. ال بۇل ءوز كەزەگىندە ادامنىڭ شاشىنىڭ، تىرناقتارىنىڭ، تەرىسىنىڭ كۇيىن جاقسارتادى.
ساراپشىلار سونداي-اق دەنساۋلىق ءۇشىن قاجەتتى ەلەمەنتتەردى تەڭىز ونىمدەرىنەن دە تولىققاندى الۋ مۇمكىن ەمەس ەكەنىن ايتادى. سوندىقتان ۆەگەتارياندىق ديەتاسىن ۇستاناتىندار وزدەرىنىڭ اس-اۋقاتى تۋرالى ويلانعاندارى ءجون، دەيدى ولار.
