وباما: باسقىنشىلىق رەسەيدى جاڭا شىعىنعا باتىرادى

استانا. قازاقپارات - ا ق ش پرەزيدەنتى باراك وبامانىڭ ايتۋىنشا، رەسەيدىڭ ۋكرايناعا باسقىنشىلىعى جالعاسا بەرسە، ماسكەۋ جاڭا شىعىندارعا ۇشىرايدى. وباما «كرەمل سەپاراتيستەردى دايىنداپ، دەمەۋشىلىك جاساپ، قارۋلاندىرىپ وتىر» دەيدى. ا ق ش پرەزيدەنتى رەسەيدى «ۋكراينانىڭ تەرريتوريالىق تۇتاستىعىن بۇزىپ وتىر» دەپ ايىپتادى.

باراك وباما ا ق ش پەن باتىس ەلدەرى رەسەيدىڭ بۇل ارەكەتتەرىنە جاۋاپ رەتىندە سانكتسيالاردى كۇشەيتەتىنىن ايتتى. ول بۇعان قوسا، كەلەسى ايدا ۋكراينا پرەزيدەنتى پەتر پوروشەنكونىڭ ۆاشينگتونعا باراتىنىن دا حابارلادى.

اق ءۇي باسشىسىنىڭ بۇل مالىمدەمەسىنەن بۇرىن ب ۇ ۇ قاۋىپسىزدىك كەڭەسى ۋكراينا داعدارىسى بويىنشا توتەنشە جيىن وتكىزگەن ەدى. ا ق ش-تىڭ ب ۇ ۇ-داعى وكىلى سامانتا پاۋەر رەسەي ءوزىنىڭ ۋكرايناعا باسىپ كىرۋىنە جانە سەپاراتيستەرگە تىكەلەي اسكەري كومەك كورسەتىپ وتىرعانىنا قاتىستى «وتىرىك ايتۋدى قىسقارتۋى ءتيىس» ەكەنىن ايتتى.

كيەۆتىڭ حابارلاۋىنشا، ۋكراينانىڭ وڭتۇستىك-شىعىسىنا شەكارالىق بلوكپوستتى زىمىراننان اتقىلاعاننان كەيىن، بۇل ەلدىڭ اۋماعىنا رەسەيدەن ەكى اسكەري كولوننا كىرگەن.

«ازاتتىق راديوسى»