بيىل ەكى ۇشاعىنان ايىرىلعان مالايزيا اۋە كومپانياسى قانشا شىعىنعا باتتى؟
بۇل وتكەن جىلمەن سالىستىرعاندى تىم كولەمدى شىعىن. سەبەبى وتكەن جىلدىڭ ءدال وسى ۋاقىتىندا كومپانيانىڭ شىعىنى ەكى ەسە از بولعان، ياعني 175 ميلليون رينگگيتتى (55,6 ميلليون دوللاردى) قۇراعان.
اۋە جەلىسى قىزمەتكەرلەرىنىڭ ايتۋىنشا، مۇنىڭ باستى سەبەبى - بيىل بىرىنەن سوڭ ءبىرى ورىن العان ءىرى ۇشاق اپاتتارى.
ەستەرىڭىزگە سالا كەتەيىك، اتالمىش اۋە كومپانياسىنىڭ كۋالا-لۋمپۋردەن بەيجىڭگە بەت العان MH370 رەيسى 239 جولاۋشىسىمەن 8- ناۋرىز كۇنى جوعالىپ كەتكەن بولاتىن. ارتىنشا، 17- شىلدەدە دونەتسك وبلىسىندا امستەردامنان كۋالا-لۋمپۋرعا ۇشىپ بارا جاتقان Boeing 777 جولاۋشىلار ۇشاعى اپاتقا ۇشىراپ، سالدارىنان 298 ادام اجال قۇشقان ەدى.
«MH370 رەيسىنىڭ اپاتقا ۇشىراۋى مەن باسەكەلەستىكتىڭ ارتۋى سالدارىنان بيلەتتەردى برونداۋ %6,7 عا تومەندەپ كەتتى»، دەلىنگەن كومپانيا حابارلاماسىندا.
قازىر Malaysia Airlines مالايزيا ۇكىمەتىنىڭ ينۆەستيتسيالىق قورىنان كومەك كۇتىپ وتىر. اۋە تاسىمالداۋشىسى ەكىنشى جارتىجىلدىقتاعى قارجىلىق قورىتىندى ناتيجەلەرى بۇدان دا ناشار بولۋى مۇمكىن، دەپ وتىر.
