پ. پوروشەنكو ۋكرايناعا رەسەي اسكەرىنىڭ كىرگەنىن مالىمدەدى

 استانا. قازاقپارات - ۋكراينا پرەزيدەنتى پەتر پوروشەنكو ۋكرايناعا رەسەي اسكەرىنىڭ كىرگەنىن مالىمدەدى. ول تۇركياعا ساپارىن توقتاتىپ، شۇعىل تۇردە ۇلتتىق قاۋىپسىزدىك جانە قورعانىس كەڭەسىن شاقىردى، دەپ حابارلادى ر ب ك.

 «دونەتسك وبلىسىندا، اتاپ ايتقاندا، امۆروسيەۆكا پەن ستاروبەشيەۆودا جاعداي كۇرت ۋشىعۋىنا بايلانىستى تۇركيا رەسپۋبليكاسىنا جۇمىس ساپارىمدى توقتاتۋعا شەشىم قابىلدادىم. سەبەبى، ۋكرايناعا رەسەي اسكەرى كىردى» ، - دەپ مالىمدەدى پوروشەنكو.

 سونىمەن قاتار، مۇنداي جاعدايدا پرەزيدەنتتىڭ ورنى كيەۆتە بولۋى كەرەكتىگىن ايتقان پوروشەنكو الداعى ءىس- قيمىلدار جوسپارىن جاساۋ ءۇشىن ۋكراينانىڭ ۇ ق ق ك وتىرىسى وتەتىنىن حابارلادى.

 ۋكراينا ب ۇ ۇ قاۋىپسىزدىك كەڭەسىنىڭ وتىرىسىن جەدەل شاقىرتۋ قاجەت دەپ سانايدى.

 «الەم ۋكرايناداعى كۇرت ۋشىققان جاعدايعا باعا بەرۋى ءتيىس» ، - دەي كەلە ول ۋكراينا ەۋرو وداقتىڭ شۇعىل كەڭەسىن شاقىرۋ ءۇشىن ەۋروپالىق ارىپتەستەرىنە جۇگىنەتىنىن اتاپ ءوتتى.