پاكىستانداعى عاجايىپ جاعداي ەلدى تاڭ قالدىردى
پاكىستاننىڭ گۋجيلات اۋدانى كاريانا اۋىلىندا شاھيزا ەسىمدى التى جاسار قىز بالا بار. ءبىر قاراعاندا، شاھيزا ءوزى تەكتەس سابيلەردەن قاتتى وزگەشەلىگى جوق. ەڭ قىزىعى، ونىڭ قوس جانارىنىڭ ءتۇسى قۇبىلىپ تۇرادى.
شاھيزانىڭ قوس جانارىنىڭ ءتۇسى ونىڭ كيگەن كيىمىنىڭ تۇسىنە قاراي وزگەرىپ وتىرادى ەكەن. ەگەر كوك ءتۇستى كيىم كيسە، جانارى كوكشىل تارتادى، قىزىل نەمەسە سارى ءتۇستى كيىم كيسە، جانارى قىزىل نە سارىعا اينالادى ەكەن. شاھيزانىڭ تۋعان-تۋىستارى مەن بۇل جاعدايدى ءوز كوزىمەن كورگەندەردىڭ ايتۋىنشا، ونىڭ جانارىنىڭ قۇبىلۋى ءتىپتى تەز جۇزەگە اسادى ەكەن.
«ونىڭ بۇل قاسيەتى ول دۇنيەگە كەلگەننەن بار» دەيدى اتا-اناسى. شاھيزانىڭ اكە-شەشەسى بۇل قۇبىلىستى تۇسىنە الماي، قالادان ارنايى دارىگەر شاقىرتىپ، دەنەسىن تەكسەرتىپ تە كورگەن. مەديتسينا قىزمەتكەلەرى جۇرتشىلىققا شاھيزانىڭ باسقا دا قالىپتى ادامدار سياقتى ەكەندىگىن، الدەقانداي «سىرلى» ادام ەمەس ەكەنىن تۇسىندىرۋگە تىرىسقان.
مەديتسينالىق تەكسەرۋ ناتيجەسى بويىنشا، شاھيزانىڭ دەنە قۋاتى جاقسى، ىشكى دەنە قۇرلىسىنىڭ قىزمەتى دە قالىپتى بولىپ شىققان. دارىگەرلەر كوزگە بايلانىسى سۇراققا جاۋاپ بەرۋگە شاراسىز ەكەندىكتەرىن جەتكىزگەن.
بۇل حابار اقپارات قۇرالدارىنا شىعا سالىسىمەن ولاردىڭ وتباسىلارىنان تىنىشتىق كەتكەن. ونى كورۋگە اسىققان ادامدار ءار جاقتان اعىلىپ كەلەدى، ءتىپتى ۇيدە ينە شانشار بوس ورىن قالماي قالادى دەيدى شاھيزانىڭ اناسى.
دايىنداعان: سۇڭقار اقبوز
