نيۋ-يوركتە سارنايەۆتىڭ اپاسى ۇستالدى
پوليتسيا اقپاراتى بويىنشا، تۇتقىنعا الۋعا سارنايەۆانىڭ ونىڭ كۇيەۋىنەن بالا تۋىپ العان ايەلگە جاساعان قوقان-لوققىسى سەبەپ بولعان.
پوليتسيا وكىلى، سارنايەۆانىڭ ول ايەلمەن سويلەسكەندە «مەندە ساعان كەلىپ، بومبا قوياتىن ادامدار بار» دەگەنىن ايتقان.
بۇدان بۇرىن پوليتسيا وتكەن جىلعى قازان ايىندا سارنايەۆانى بوستونداعى جارىلىس تۋرالى ىسكە قاتىستى كۋاگەر رەتىندە شاقىرعان، الايدا ول تەرگەۋگە كومەكتەسۋدەن باس تارتتى.
وتكەن اپتادا دجوحار سارنايەۆتىڭ دوسى دياس قادىربايەۆ ءوزىنىڭ ءىستى تەرگەۋگە كەدەرگى كەلتىرۋگە ايىپتى ەكەنىن مويىندادى.
شىلدەدە القابيلەر سوتى سارنايەۆتىڭ تاعى ءبىر دوسى - ازامات ءتاجاياقوۆتى سوت ىسىنە كەدەرگى كەلتىرگەنى ءۇشىن ايىپتى دەپ تاپتى.
بوستوندا 2013- جىلعى 15- ساۋىردەگى مارافون مارەسىندەگى جارىلىسقا ايىپتالىپ وتىرعان 20 جاستاعى دجوحار سارنايەۆتىڭ پروتسەسىنە ازىرلىك ءجۇرىپ جاتىر. سوت ءىسى قاراشانىڭ باسىنا بەلگىلەنگەن.
