قىتايلىق وپەراتور قۇپيا اقپاراتتى قاتەلەسىپ تاراتىپ جىبەرگەن
قىتايدىڭ Weibo دەپ اتالاتىن Twitter جەلىسىنىڭ انالوگى سانالاتىن رەسۋرسىندا China Telecom iPhone 6 سمارتفونىن LTE ستاندارتتى ەكى جەلى بويىنشا قىزمەت كورسەتەتىن ەلدەردە كەلىسىمشارتسىز ساتىلاتىنى جايلى مالىمدەگەن. دەمەك وپەراتوردىڭ LTE بايلانىس جەلىسى قىزمەت كورسەتەتىن ەلدەردە تۇڭعىش رەت iPhone ءونىمىن كەلىسىمشارتسىز ساتاتىن بولدى.
بۇدان باسقا، وپەراتور iPhone ءونىمىنىڭ رەسمي سۋرەتى بولۋى مۇمكىن دەلىنگەن پرومو-سۋرەتتى جاريالاپ قويعان. سۋرەتتە سمارتفوننىڭ قارا كورپۋستاعى التىن جانە جىلتىر تۇستە ەكەنىن بايقاۋعا بولادى. Apple كومپانياسىنىڭ بۇعان دەيىنگى ونىمدەرىنە (ماسەلەن iPhone 5S) قاراعاندا بۇل جولعى جاڭا نۇسقا بۇرىشتارىنىڭ دوعال ەكەنى انىق. دەسە دە بۇل سۋرەتتىڭ قانشالىقتى شىندىققا جاناساتىنى بەلگىسىز قالىپ وتىر.
Apple سەرىكتەستەرى ادەتتە جاڭا ءونىم تۋرالى اقپاراتتى اسا قۇپيا ساقتايدى. ال China Telecom وپەراتورى جارنامالاعان سۋرەت ءدال وسى جاڭا نۇسقاسى بولۋى مۇمكىن، سەبەبى وپەراتور قۇپيا مالىمەتتى قاتەلىكتەن سالىپ قويعانى بەلگىلى بولدى. كەيىن وپەراتور جارنامانى Weibo رەسۋرسىنان ءوشىرىپ تاستاعان.
China Telecom قىتايدا ءوزىنىڭ 180 ميلليون ابونەنتىمەن ۇزدىك ءارى ءىرى ۇشتىكتى قورىتىندىلاپ تۇرعان وپەراتور. ونىڭ الدىندا تەك China Mobile جانە China Unicom سياقتى الىپ وپەراتورلار كەلەدى.
ەستەرىڭىزگە سالا كەتسەك، Apple ەكران كولەمى 4,7 جانە 5,5 ديۋيم بولاتىن iPhone-نىڭ التىنشى نۇسقاسىن 9- قىركۇيەكتە تانىستىراتىن بولادى. ال سمارتفوننىڭ ارتقى برەند بەلگىسى جانىپ تۇرادى دەگەن دە اقپاراتتار بار. ساراپشىلاردىڭ پىكىرىنشە، جاڭا اپپاراتتىڭ 13 مەگاپيكسەلدى كامەراسى، ەكى يادرولى ا8 پروتسەسسورى بولادى. سونىمەن قاتار، iPhone 6 سىنبايتىن شىنىمەن جابدىقتالعان. ول جاقۇت كريستاللدارىمەن جاسالادى.
دايىنداعان: ارداق قۇلتاي
massaget.kz
