قىتايدىڭ شاڭحاي قالاسىندا تۇراتىن قازاق وتباسى - فوتو
بۇگىن شاڭحايدا Jacobs ءىرى كومپانياسىندا جەتەكشى ينجەنەر بولىپ جۇمىس ىستەيتىن قازاق ازاماتى ايدىن ەلەۋسىزۇلىن تانىستىرعاندى ءجون كوردىك.
ايدىن ەلەۋسىز 10 جىل بۇرىن ءوز وتباسىمەن بىرگە شانحايعا شىڭجاڭ ۇيعىر اۆتونوميالىق اۋدانىنان كوشىپ بارعان. ايەلى گۇلزات قايرات قىزى 29 جاستا، جاس انا قازىر دوكتورانتۋرانى اياقتاعالى ءجۇر. كەيىن وقىتۋشى بولىپ جۇمىس ىستەگىسى كەلەدى. ەكى جىل بۇرىن بۇل وتباسىندا ۇل دۇنيەگە كەلگەن، وعان مارس دەگەن ەسىم بەرىلدى. ايدىن: «ءبىزدىڭ كومپانيا مۇناي ونىمدەرىن وڭدەۋمەن اينالىسادى، مەن جوعارى ساناتتى ينجەنەرمىن. قازىر ءبىز ءبىر بەلگىلى كومپانياعا زاۋىت مودەلىن جاساپ جاتىرمىز. مەن دۇنيەگە كەلگەن شىڭجاڭدا بۇل ماماندىق بويىنشا جۇمىس تابۋ قيىن. سول سەبەپتى شانحايعا كوشىپ كەلۋدى ۇيعاردىم. باسىندا شاعىن ج ش س-دە جۇمىس ىستەدىم، كەيىن ءىرى كورپوراتسياعا اۋىستىردى»، - دەيدى ايدىن.
ايدىن بولاشاق جارىمەن شىڭجاڭدا تانىسقان. بۇگىندە ەرلى-زايىپتى شانحايدا تۇرادى. ازىرشە ولاردىڭ ءوز باسپاناسى جوق، پاتەردى ايىنا 800 دوللار تولەپ، جالداپ تۇرادى.
مارس ەكى جاستا. ونى ايدىننىڭ تۋىسى باعىپ جاتىر. اتا- اناسى ۇلدارىن بالاباقشاعا ءسال كەيىن بەرەمىز دەپ وتىر.
بۇل شاڭىراقتىڭ داستارحانىنان قازاقىلىقتىڭ ءيىسى اڭقيدى - جاڭعاق، قۇرت-ىرىمشىك، ءسۇت. ال ەتتى شىڭجاڭنان الدىرتادى.
ايدىن جىلىنا بىرنەشە رەت شىڭجاڭعا بارىپ تۇرادى. وندا اتقا مىنەدى، بالاسىنا ءسۇت ونىمدەرىن جەگىزەدى، شارۋا ىستەپ، تۋىستارىنا كومەكتەسەدى. شانحايعا ەت الىپ كەلەدى.
ەتكە نان قىلۋ ءۇشىن يلەنىپ جاتقان قامىر.
ايدىننىڭ 20 جاستاعى ءىنىسى فارماتسيەۆت ماماندىعى بويىنشا ءبىلىم الىپ جاتىر.
مۇنداي ەكى بولمەلى پاتەردى ساتىپ الۋعا ازىرشە قاراجات جوق، ورتالىقتا پاتەرلەر 600 مىڭ دوللار تۇرادى.
گۇلزات وقۋىن دا وقىپ، ءۇي شارۋاسىن دا جاساپ، بالا دا باعىپ ۇلگەرىپ ءجۇر.
شانحايدا تۇرۋ وڭاي ەمەس، ايدىن ءىرى كومپانيادا ىستەيدى، گۇلزات ءبىلىپ الىپ ءجۇر، وقۋدى اياقتاپ، جۇمىسقا تۇرعان سوڭ تۇرمىسى ءبىرشاما جەڭىلدەۋى مۇمكىن.
مارستىڭ دومبىراسى بار، ءبىراق ول ازىرشە اسپاپتا ويناۋ بىلمەيدى.
اتا- اناسى مارسپەن قازاقشا سويلەسەدى.
ايدىن مەن گۇلزاتتىڭ قازاقستانعا كەلگىسى كەلەدى، جۋىردا ولار ۆيزا الۋعا قۇجات تاپسىرعان، ءبىراق ايدىن شىڭجاڭدا تىركەلگەندىكتەن وعان ۆيزا بەرىلگەن جوق. ۆيزا الۋ ءۇشىن ول شانحايدا تىركەۋگە تۇرۋى كەرەك.
ايدىننىڭ تۋىستارى. ول ۇيدە 12 اعايىندى. ولاردىڭ ۇشەۋىنىڭ عانا ارنايى ءبىلىمى بار، قالعاندارى اۋىل شارۋاشىلىعىمەن اينالىسادى.
بۇل وتباسى شىڭجاڭدا ناعىز قازاقى تۇرمىس كەشتى، ناۋرىز بەن قۇربان ايتتى تويلايدى، مەرەكەلەردە باۋىرساق پىسىرەدى.
گۇلزات التايدا تۋعان.
ايدىن ءوز ءبىلىمىنىڭ قازاقستاندا پايداعا اسارىنا سەنەدى. ول اعىلشىن، قىتاي، قازاق تىلدەرىن بىلەدى. ەسەپ-قيساپقا جۇيرىك.
داستارحاندارىندا قازاقستاندىق كامپيتتەر دە بار.
شانحايدا مۇسىلمان بالالارىنا ارنالعان بىرنەشە بالاباقشا بار.
مارس قازاقشا ءتىل سىندىرىپ ءجۇر.
قازاقستاندا ءىرى زاۋىتتاردىڭ اشىلىپ جاتقانىنان حاباردار ايدىن ءبىزدىڭ ەلگە كەلگىسى كەلەدى.
شانحاي قازاعىنىڭ كۇندەلىكتى جۇمىس ءتارتىبى: تاڭەرتەڭ جۇمىس پەن وقۋ، كەشكىسىن ءتىل ۇيىرەر دامگە تولى داستارحان.
ايدىننىڭ ايتۋىنشا، شانحايدا لايىقتى ءومىر ءسۇرۋ ءۇشىن وتباسىنىڭ تابىسى 2000 دوللاردان كەم بولماۋى كەرەك.
تۇنگى شانحاي. جاعالاۋ.
Tengrinews.kz
