05:20, 25 - تامىز 2014 | GMT +5
مۇزدىق استىنداعى جانارتاۋ اتقىلادى
استانا. قازاقپارات - يسلانديانىڭ ورتالىق بولىگىندەگى مۇزدىق استىندا بارداربۋنگا جانارتاۋى اتقىلادى، دەپ حابارلادى 24.kz.
بيلىك اۆياسياعا اسەر ەتەتىن قاۋىپكە بايلانىستى مۇزدىق ۇستىنەن وتەتىن رەيستەرگە تولىق تىيىم سالدى. سەبەبى6 جانارتاۋدىڭ اتقىلاۋى كەز كەلگەن ۋاقىتتا باستالىپ كەتۋى مۇمكىن. وسى اپتانىڭ ىشىندە جانارتاۋ ماڭىندا 300 گە جۋىق جەراستى دۇمپۋلەرى تىركەلگەن.
جالپى بارداربۋنگا - يسلانديادا مۇزدىقتىڭ استىندا جاتقان ەڭ ۇلكەن جانارتاۋ جۇيەسى. بيلىك جانارتاۋدان 300 شاقىرىم جەردەگى رەيكياۆيك ەلدىمەكەنىنىڭ تۇرعىندارىن قاۋىپسىز ايماققا كوشىردى.
ايتا كەتەيىك، يسلانديادا 2010 - جىلى جانارتاۋ اتقىلاۋىنان كۇللى ەۋروپادا ءبىر اپتا بويى اۋە قاتىناسى توقتاتىلعان بولاتىن. 10 ميلليوننان استام ادام جولدان قالىپ، اۋە تاسىمالداۋشى كومپانيالار 2 ميلليارد دوللارعا جۋىق شىعىنعا باتقان.
