اش ايۋلار ادامدارعا شابۋىل جاساپ جاتىر

استانا. قازاقپارات - حانتى-مانسي اۆتونوميالىق وكرۋگىنىڭ ت ج م باسقارماسىنا سوڭعى كەزدەرى حانتى-مانسيسك قالاسىنىڭ شەت جاعىندا اش ايۋلاردىڭ پايدا بولعانى تۋرالى حابارلار كەلىپ تۇسۋدە. بۇل جەرلەردە تەكسەرۋلەر جۇرگىزىلدى، دەپ حابارلادى ۆەستي.رۋ. «يۋگرا» وڭىرلىك اقپارات ورتالىعىنا سىلتەمە جاساپ.

«ءبىز جاعدايدى باقىلاۋعا الدىق، ەڭ الدىمەن قالا تۇرعىندارىن ورمان القابىنا بارعاندا ساق بولۋعا شاقىرامىز، ايۋلاردى تاماقتاندىرۋعا جانە اشۋلاندىرۋعا بولمايدى»، - دەدى ازاماتتىق قورعانىس جانە توتەنشە جاعدايلار ىستەرى باسقارماسىنىڭ باستىعى ەۆگەني ديەۆياتكوۆ.

ول سونداي-اق حانتى-مانسيلىقتاردى ءوز ساياجايلارى مەن باسپانالارىنىڭ ماڭىندا تاماق قالدىقتارى قوقىستارىن قالدىرماۋعا شاقىردى، بۇل اش اڭداردىڭ نازارىن اۋدارۋى مۇمكىن.

LifeNews تەلەارناسىنىڭ حابارلاۋىنشا، تايگا قوجايىنى وكرۋگتىڭ كوندي اۋدانىندا ساڭىراۋقۇلاق تەرىپ جۇرگەن ادامدارعا شابۋىل جاساعان. جىرتقىش 1963- جىلعى ەر ادامدى تالاپ ولتىرگەن، ال 15 جاستاعى ءجاسوسپىرىم مەن ەرەسەك ەر ادام اۋىر جاعدايدا اۋرۋحاناعا جەتكىزىلگەن. ولار ءجاسوسپىرىمنىڭ جاندارمەن مىلتىق اتىپ، ايۋدى ۇركىتۋىنىڭ ارقاسىندا قۇتىلعان.

قازىرگى كەزدە جاراقاتتانعان ەكى ادام حانتى-مانسيسك اۋرۋحاناسىندا جاتىر. بۇل فاكتى بويىنشا ح م ا و بويىنشا تەرگەۋ كوميتەتى تەكسەرۋ جۇرگىزۋدە. ايماقتا 16 جىرتقىشتىڭ كوزى قۇرتىلدى»، - دەپ حابارلادى ءى ءى م وڭىرلىك باسقارماسىنىڭ باسپا ءسوز قىزمەتى.