قىتايدا ا ي ۆ دەرتىنە شالدىققان جولاۋشىلاردى ۇشاققا وتىرعىزباي قويدى
دەگەنمەن، كومپانيا ا ي ۆ جۇقپالى دەرتىنە شالدىققان ەكى جولاۋشىنى ۇشاققا وتىرعىزباي قويعان. ولار قىتايدىڭ سولتۇستىگىندەگى شەنيان قالاسىنان ۇشىپ كەتۋگە نيەتتەنگەن. ءبىراق، ولاردىڭ بيلەتتەرى جويىلعان. بۇل وقيعادان كەيىن جولاۋشىلار اۋەكومپانيانى وزدەرىن كەمسىتكەنى ءۇشىن سوتقا بەردى. پورتالدىڭ حابارلاۋىنشا، زارداپ شەككەن ەكى جولاۋشى اۋەكومپانيانىڭ كەشىرىم سۇراۋىن جانە سەگىز مىڭ دوللار كولەمىندە وتەماقى تولەۋىن تالاپ ەتىپ وتىر.
شەنيان سوتى بۇل شاعىمدى قاراستىرىپ جاتىر. قىتاي باسشىلارىنىڭ ايتۋىنا قاراعاندا، ولار كوپجىلدار بويى ا ي ۆ جانە ج ي ت ب دەرتتەرىنە شالدىققان ادامداردى قوعامدا كەمسىتۋدى توقتاتۋعا تىرىسىپ جاتىر ەكەن.
بۇعان دەيىن، قازاقستاندا دا ا ي ۆ دەرتىنە شالدىققان ادامدار كەمسىتۋشىلىك كورىپ جاتقانى حابارلانعان. ا ي ۆ دەرتىنە شالدىققان قازاقستاندىقتار اراسىندا ساۋالناماعا قاتىسقانداردىڭ جارتىسىنان كوپ بولىگىن جۇمىستارىنان شىعارىپ جىبەرگەن. شامامەن ءاربىر ءۇشىنشى اۋىرۋ ادام جۇمىس بەرۋشەلەرى ونىڭ اۋىرۋ ەكەنىن بىلگەننەن سوڭ، جۇمىسىنان قۋىلعان.
ا ي ۆ دەرتىنە شالدىققان ادامداردى كەمسىتۋ جاعىنان 52 پايىز كورسەتكىشىمەن قوستاناي ءبىرىنشى ورىندا. الماتى قالاسىندا 48 پايىز ادام قوعام تاراپىنان قانداي دا ءبىر كەمسىتۋشىلىك كورسە، پاۆلوداردا 26 پايىز. ال ساۋالناماعا قاتىسقان 36 پايىز ا ي ۆ دەرتىنە شالدىققان ادامدار ەشقاشان كەمسىتۋشىلىك كورمەگەنىن ايتادى.
Tengrinews.kz
