ايەل جۇرگىزۋشىلەر ءۇشىن جەكە جول سالۋ ۇسىنىلدى
فيرما وكىلدەرى بولىنگەن جولاقتاردى قىزعىلت تۇسكە بوياپ، ارنايى بەلگىلەر ورناتۋ كەرەك دەپ ەسەپتەيدى.
ولاردىڭ ايتۋىنشا، بۇل جول ۇستىندەگى اپات سانىن ازايتىپ، ايەلدەر مەن ەرلەر اراسىنداعى قاقتىعىستىڭ الدىن الادى. ەگەر بۇل ۇسىنىس قولداۋ تاباتىن بولسا، جوباعا 880 ميلليون فۋنت نەمەسە 1,5 ميلليارد دوللار قاجەت بولادى.
سونداي-اق ساقتاندىرۋشىلار ءبىرقاتار ەستاكادانى دا ايەلدەردىڭ تولىق يەلىگىنە بەرۋ كەرەك دەپ وتىر. وعان قوسا، قوعامدىق كولىكتەرگە ارنالعان جولاقتار ءتارىزدى ايەلدەردىڭ جولىن دا دەمالىس جانە مەرەكە كۇندەرى بارشاعا قولجەتىمدى ەتۋگە بولادى.
Sheilas' wheels كومپانياسى 2005 - جىلى قۇرىلعان. ساقتاندىرۋ كومپانياسىنىڭ نەگىزگى قىزمەتى ايەلدەرگە باعىتتالعان. ماسەلەن، نازىك جاندىلاردىڭ كولىگىنەن سومكەسى ۇرلاناتىن بولسا، وعان كومپانيا وتەماقى تولەۋگە دايىن. 2008 - جىلدان باستاپ ايەلدەردىڭ جىلجىمايتىن مۇلكىن ساقتاندىرۋ قىزمەتىن ۇسىنىپ، 2010 - جىلدان بەرى شەتەلگە ساپارعا شىعاتىن قىز-كەلىنشەكتەرگە ساقتاندىرۋ ساتۋدى قوعا الدى. Sheilas' wheels كومپانياسىنىڭ سۇيىكتى ءتۇسى - قىزعىلت.
24.kz
