ب. وباما يراكقا اۋەدەن سوققى جاساۋعا رۇقسات بەردى

استانا. قازاقپارات - ا ق ش پرەزيدەنتى باراك وباما يراكتاعى «يسلام مەملەكەتى» لاڭكەستەرىنىڭ نىساندارىنا اۋەدەن سوققى جاساۋعا رۇقسات بەردى.

ونىڭ ايتۋىنشا، بۇل ارەكەت ا ق ش اسكەرلەرى مەن ديپلوماتتارىن قورعاۋ ءۇشىن باعىتتالماق. سونداي-اق ب. وباما ەلدىڭ اسكەري-كولىك ۇشاقتارى بەيبىت تۇرعىندارعا گۋمانيتارلىق كومەك جەتكىزگەنىن مالىمدەدى.

بۇل 8 مىڭ ادامعا ارنالعان دايىن تاعام مەن 20 مىڭ ليتر اۋىزسۋ. قازىر 50 مىڭعا جۋىق يراكتاعى كۇردتەر لاڭكەستەردەن سيندجار تاۋلارىندا جاسىرىنىپ ءجۇر.

باراك وباما، ا ق ش پرەزيدەنتى:

- بۇگىن مەن يراكتاعى ەكى وپەراتسياعا رۇقسات بەردىم. ونىڭ ءبىرى - ا ق ش ازاماتتارىن قورعاۋ ءۇشىن اۋەدەن جاسالاتىن سوققى، ەكىنشىسى -  گۋمانيتارلىق ميسسيا. ماقساتىمىز -  اۋىزسۋ مەن ازىق-تۇلىكسىز قالىپ، ءولىم الدىندا تۇرعان مىڭداعان بەيبىت تۇرعىننىڭ ءومىرىن ساقتاپ قالۋ.

24.kz