ءۇندىستاندىق ماگنات التىننان جەيدە تىكتىردى
كيىمنىڭ سالماعى 4 كەلىدەن اسادى. ال، وعان كەتكەن شىعىن 211 مىڭ ا ق ش دوللارىن قۇراپ وتىر.
پاراحتىڭ ايتۋىنشا، بۇل قادامعا ول ماقتان ءۇشىن ەمەس، گيننەستىڭ رەكوردتار كىتابىنا ەنۋ ءۇشىن بارعان.
جەيدە كاسىپكەردىڭ ءوز فابريكاسىندا 2 اي ىشىندە تىگىلدى. ونى ازىرلەۋگە 20 شەبەر جۇمىلدىرىلعان. مەتالل جىپتەن تىگىلسە دە جەيدە جۇمساق. ويتكەنى ونىڭ ءىش جاعى جۇقا قاباتتى ماتامەن قاپتالعان. ال، التىن جەيدە كىرلەگەن جاعدايدا ونى كادىمگى كىر جۋاتىن ماشينامەن جۋۋعا دا بولادى.
پاراحتىڭ ايتۋىنشا، ول بۇعان دەيىن دە التىندى وتە قاتتى جاقسى كورگەن. "قايدا بارسام دا ۇيدەن 2-3 كەلى التىنسىز شىقپايتىن ەدىم" دەيدى ول.
پانكاي پاراح توقىما ونەركاسىبىمەن مەكتەپتى بىتىرە سالىپ اينالىسقان. بىرنەشە جىل ىشىندە ول ءوز تابىسىن ونداعان ەسەگە ارتتىرىپتى. قازىرگى تاڭدا كاسىپكەر ءۇندىستاندا مەتسەنات رەتىندە تانىمال. جىل سايىن ول 120 ناۋقاس بالانىڭ وپەراتسياسىنا ءوزى قارجى بولەدى.
. Baq.kz
