ۇشاق دۆيگاتەلىنە جاسىرىنىپ مىسىرعا ۇشپاق بولعان
ول ايماق استاناسىنان مىسىردىڭ حۋرگادۋ كۋرورتتىق قالاسىنا رەيستى جۇزەگە اسىراتىن Boeing ۇشاعىنىڭ دۆيگاتەلىنە جاسىرىنىپ قالعان، دەپ حابارلايدى يتار-تاسس.
«قۇپيا جولاۋشى» ۇشاق اۋەگە كوتەرىلمەس بۇرىن ونى تەكسەرۋ كەزىندە تابىلعان.
«ونى سۇراقتاردىڭ استىنا العانىمىز ەش ناتيجە بەرمەدى. سەبەبى، ەر ادام ەشنارسە تۇسىندىرە الاتىن كۇيدە ەمەس ەدى. ءبىز ونى جەدەل جاردەم قىزمەتكەرلەرىنە تاپسىردىق. قازىر قولىمىزدا مەديتسينالىق ساراپتاما ناتيجەلەرى بولماعاندىقتان، بۇل ازاماتتىڭ ىشىمدىك ءىشىپ نەمەسە ەسىرتكى شەگىپ العان كۇيدە بولعان-بولماعاندىعىن ايتا المايمىز»، - دەدى پروكۋراتۋرا قىزمەتكەرلەرى.
وقيعادان سوڭ ۇشاق حۋرگادۋعا ۇشىپ كەتكەن، وعان ەش زاقىم كەلمەگەن. سونداي-اق اۋەجايدا اۆياتسيالىق قاۋىپسىزدىك تالاپتارىنىڭ ساقتالۋى دا تەكسەرىلۋدە، ودان كەيىن اەروۆوكزالدىڭ لاۋازىمدى تۇلعالارىن جاۋاپكەرشىلىككە تارتۋ تۋرالى شەشىم قابىلدانباق.
