20:10, 07 - تامىز 2014 | GMT +5
سوت قۇراندى ورتەگەن ادامعا ايىپپۇل سالدى
استانا. قازاقپارات - امەريكانىڭ ميچيگان شتاتىنىڭ سوتى قۇراننىڭ ەكى نۇسقاسىن ورتەگەن ادامدى 400 ا ق ش دوللارى كولەمىندە ايىپپۇل تولەۋگە ماجبۇرلەدى»، - دەپ حابارلايدى.
USA Today-دىڭ حابارلاۋىنشا، ديربورن قالاسىنىڭ وكرۋگتىك سوتىنىڭ سۋدياسى سەم سەلەمي ۆانداليزمگە قاتىسى بار دەپ تانىلعان ءالي حاسان ءال-اسادي كەربەل يسلام ورتالىعىنىڭ ماڭايىندا قۇراندى ورتەپ، ونىڭ پاراقتارىن جەلگە ۇشىرعانى ءۇشىن ءار قۇرانعا 200 دوللاردان تولەۋى ءتيىس دەگەن شەشىم شىعارىلعان.
ايتا كەتەيىك، قىلمىسكەر بۇرىن شييت بولعان يراكتىڭ تۋماسى ەكەن. قازىر حريستياندىقتى قابىلداعان، سوڭعى جىلدارى پسيحولوگيالىق اۋرۋعا شالدىققان كورىنەدى. سوڭعى ءبىر جىلدىڭ ىشىندە ونداعان قۇراندى ورتەگەنىن ءوزى مويىنداعان. سوڭعى قۇراندى ورتەۋ سەبەبىن ول يسلام ورتالىعىنا كەلگەن ءبىر كىسىمەن ارادا بولعان كيكىلجىڭىمەن بايلانىستىرادى.
24.kz
