مەسسيدىڭ شاش ۇلگىسى كيم چەن ىنمەن سالىستىرىلۋدا

استانا. قازاقپارات - كاتالوندىق «بارسەلونا» كومانداسىنىڭ جانكۇيەرلەرى ليونەل مەسسيدىڭ جاڭا شاش ۇلگىسىن كورەي حالىق دەموكراتيالىق رەسپۋبليكاسىنىڭ كوشباسشىسى كيم چەن ىنعا ۇقساتىپ وتىر.

بۇل تۋرالى Sudinfo.be پورتالى حابارلاۋدا.

5 - تامىز كۇنى فۋتبولشى كوماندانىڭ جاتتىعۋىنا جاڭا شاش ۇلگىسىندە كەلگەن. ارگەنتينالىق سپورتشى قۇلاعىنىڭ توڭىرەگىن تاقىرلاپ الىپ، توبە بولىگىن وسىڭكى قالدىرعان. ال مۇنداي شاش قيۋ وتكەن عاسىردىڭ 60 - جىلدارى سانگە دە اينالعان.

كەي جانكۇيەرلەر الەۋمەتتىك جەلىلەرىنە سولتۇستىك كورەيا باسشىسى مەن مەسسيدىڭ سۋرەتتەرىنەن كوللاج جاساپ، سالىپ تا جاتىر. ال اتالعان پورتال كيم چەن ىن بيلىگى مەن ساياساتى مەسسي كوڭىلىنەن شىعادى دەپ جازعان.

«بارسەلونا» سۇرمەرگەنى سوڭعى رەت شاش قيۋ ۇلگىسىن وتكەن جىلدىڭ شىلدە ايىندا وزگەرتكەن ەكەن.

دەرەككوز 24.kz