نازاربايەۆ، پۋتين جانە لۋكاشەنكو ر ف-كە ە و، ا ق ش ونىمدەرىنە شەكتەۋگە قاتىستى ءىس-قيمىلدى ۇيلەستىرەدى

 ماسكەۋ-استانا. قازاقپارات - رەسەي، قازاقستان جانە بەلارۋس پرەزيدەنتتەرى تەلەفون ارقىلى ر ف-كە ە و، ا ق ش جانە ءبىرقاتار باسقا دا ەلدەردىڭ اۋىلشارۋاشىلىق ونىمدەرىن، شيكىزات جانە ازىق- تۇلىك ونىمدەرىن اكەلۋگە شەكتەۋ ەنگىزۋىنە بايلانىستى ءوزارا ءىس-قيمىلدى ۇيلەستىرۋ ماسەلەسىن تالقىلادى.

بۇل تۋرالى رەسەي پرەزيدەنتىنىڭ باسپا ءسوز قىزمەتىنەن حابارلادى.

ۆ. ۆ. پۋتين، ا. گ. لۋكاشەنكو جانە ن. ءا. نازاربايەۆ رەسەي اۋماعىنا ە و-دان، ا ق ش-تان جانە باسقا دا ءبىرقاتار ەلدەردەن اۋىل شارۋاشىلىعى ونىمدەرىنىڭ، شيكىزاتتىڭ جانە ازىق-تۇلىكتىڭ كەيبىر تۇرلەرىن اكەلۋدى شەكتەۋ جونىندەگى قابىلدانعان شەشىمدەرگە سايكەس ساۋدا- ەكونوميكالىق سالاداعى ءىس-قيمىلدى ۇيلەستىرىپ وتىرۋدى قوسا العاندا، قالىپتاستىرىلىپ جاتقان ەۋرازيالىق ەكونوميكالىق وداق اۋقىمىنداعى ىقپالداسقان ىنتىماقتاستىقتىڭ ءارتۇرلى قىرلارىن تالقىلادى.

پىكىر الماسۋ بارىسىندا ۋكرايناداعى داعدارىستىڭ ورشۋىنە بايلانىستى ناقتى ۋكراينىشىلىك ساياسي ديالوگتى ىسكە قوسۋ جانە اسكەري قيمىلداردى توقتاتۋعا بىرلەسە ارەكەت ەتۋ ءۇشىن ءتۇرلى فورماتتا ورتاق سىندارلى جۇمىس قاجەتتىگى اتالىپ ءوتىلدى.