قازاقستاندا قۇراستىرىلعان كولىكتەر رەسەي نارىعىنا شىقپاق
كومپانيادا اتاپ وتكەندەي، بۇل ءۇشىن ەكسپورتتىڭ ءتۇرلى امالدارى قاراستىرىلىپتى.
«بۇل ماسەلەنى وڭتۇستىك كورەيالىق سەرىكتەسىمىزدىڭ قاتىسۋىمەن شەشتىك. ياعني Nomad كولىكتەرىن SsangYong Motor Company كومپانياسى بىزدەن ساتىپ الىپ، كەيىن ونى رەسەيگە تاسىمالداۋمەن اينالىسادى. بۇل ءتيىمدى شەشىم دەپ ويلايمىن. وسىلايشا Nomad كولىگىنىڭ ساپاسىنا رەسەيدەگى سەرىكتەستىكتەر سەنەتىن كونتسەرن جاۋاپ بەرەدى»، - دەدى AllurGroup پرەزيدەنتى اندرەي لاۆرەنتيەۆ.
SsangYong Nomad كولىگىنىڭ نەگىزگى ارتىقشىلىعى ول CKD ادىسىمەن قۇراستىرىلعان، باعاسى دا باسەكەگە قابىلەتتى.
ەسكە سالا كەتەيىك، ءبىر جىل بۇرىن SsangYong Motor Company-دىڭ رەسەيدەگى وكىلى - «د س سانيونگ» قازاقستاندا قۇراستىرىلاتىن وڭتۇستىك كورەيالىق ماركىلى كولىكتەر رەسەي نارىعىنا شىقپايتىنىن ايتقان. وعان «د س سانيونگ» برەندتىڭ رەسەيدەگى جالعىز وكىلى جانە «SsangYong» تاۋارلى بەلگىسى ليتسەنزياسىنىڭ يەسى» بولۋى نەگىز بولعان.
