تالدىقورعاندىقتاردىڭ تاپقىرلىقتارى
ونىڭ باستى ەرەكشەلىگى - ەلەكتر ەنەرگياسىن نەمەسە قانداي دا ءبىر وتىن ءتۇرىن قاجەت ەتپەيدى، ىسكە قوسۋ ءۇشىن تەك سۋ اعىنىنىڭ ەنەرگياسى قاجەت.
«Alakol Plant» ج ش س زاۋىتى 1996- جىلى قۇرىلعان. ول قازاقستان مەن ورتا ازيا ەلدەرىن سۋعا باتىرۋ سورعىلارىمەن قامتاماسىز ەتەدى. وتكەن جىلى زاۋىتتىڭ ينجەنەرلىك- تەحنيكالىق ۇجىمى سۋدى جوعارى كوتەرەتىن قوندىرعىنى قۇراستىردى.
بۇل جابدىقتى العاشقىلاردىڭ ءبىرى بولىپ «كوركەم تالدىقورعان» كاسىپورنى ساتىپ الدى. ونى وبلىس ورتالىعىنداعى گۇلدەر مەن اعاشتاردى سۋارۋعا پايدالانادى.
«قوندىرعى وبلىستىڭ شارۋا قوجالىقتارىنىڭ سۇرانىسىنا يە بولىپ وتىر. بيىلعى قۇرعاق جاز ەنەرگيا ۇنەمدەيتىن وسىنداي سۋارۋ قوندىرعىلارىنىڭ قانشالىقتى قاجەتتى نارسە ەكەنىن كورسەتتى. زاۋىتتىڭ بۇل ءونىمى سۋدى 40 مەتر بيىكتىككە كوتەرۋگە قاۋقارلى. سونىمەن قاتار قازىر بۇل جابدىقتى گەنەراتور رەتىندە پايدالانۋ مۇمكىندىگىن قاراستىرىپ جاتىرمىز»، - دەدى «Alakol Plant» ج ش س ديرەكتورى مىرزاحمەت تولەيەۆ.
زاۋىت ماماندارى قوندىرعىعا قاتىستى بارلىق جۇمىستار اياقتالعان سوڭ ءوز ونەرتابىستارىن «ەكسپو-2017» كورمەسىنە قويۋدى جوسپارلاۋدا.
