ەلباسى: ۇكىمەت جۇمىسىنىڭ باستى مىندەتى - ەكونوميكانى ءارتاراپتاندىرۋ
ءسوز اراسىندا ەلباسى يندۋستريالاندىرۋدىڭ كەلەسى بەسجىلدىق جوسپارى ايقىندالىپ، بەكىتىلگەنىن اتاپ ءوتتى. «اعىمداعى جىلى ءبىزدىڭ بازالىق سالالاردا ءوسىم قارقىنىن ساقتاۋ ماڭىزدى. وسىنى قاداعالاپ، مۇناي-گاز سەكتورىن، تاۋ-كەن ونەركاسىبىنە باسا نازار اۋدارۋ كەرەك. كومپانيالاردىڭ ەكسپورتقا شىعۋىنا كومەكتەسۋىمىز كەرەك»، - دەدى ن. نازاربايەۆ. بۇدان بولەك ەلباسى كەلەر جىلدان جاڭا كەن ورىندارىن بارلاۋ، قولدانىستاعى قۋاتتاردى جاڭعىرتۋ جۇمىستارى باستالاتىنىن اتاپ ءوتتى.
«جالپى ەكونوميكانىڭ ءوسىمىنىڭ نەگىزگى كوزى بۇگىنگى كۇننىڭ وزىندە قىزمەت كورسەتۋ سالاسى بولىپ وتىر. بۇل سالانىڭ جالپى ىشكى ونىمدەگى ۇلەسى 53 پايىزعا جەتتى. بۇل - جاقسى جاڭالىق.
مىناداي زاڭدىلىقتى ەسكەرمەسە بولمايدى: قىزمەت كورسەتۋدىڭ باسەكەگە قابىلەتتىلىگىن ارتتىرۋ باعىتىمەن نىسانالى تۇردە اينالىسقاندا ەڭبەك ونىمدىلىگى دە ارتا تۇسەدى. ءبىز بۇعان دەيىن وسى سەكتورعا دۇرىس نازار اۋدارماي كەلدىك، ەندىگىدە ولاي بولماۋى شارت»، - دەدى ن. نازاربايەۆ.
اۆتور: قانات مامەتقازى ۇلى
