اۋەجايعا الىپ كىرگەن جۇكتەرىن الا الماي وتىر
ەرەۋىل كەشە كەشكە باستالعان. جەرگىلىكتى ب ا ق-تىڭ حابارلاۋىنشا، يتاليادان جۇزدەگەن ۇشاقتاردىڭ جولاۋشىلارى قول جۇكتەرىنسىز ۇشىپ كەتۋگە ءماجبۇر بولعان.
ءوز كەزەگىندە اتالمىش اۋەجاي وكىلى قازىرگى ساتتە ەرەۋىلگە بايلانىستى جۇكتەردى بەرۋدە كەدەرگىلەردىڭ تۋىنداۋى ۋاقىتشا ەكەنىن جەتكىزدى.
ايتا كەتەيىك، Alitalia-نىڭ جۇك تيەۋگە جاۋاپتى قىزمەتكەرلەرى يتاليانىڭ ۇلتتىق اۋە تاسىمالداۋشىسى مەن ب ءا ا-ءنىڭ Etihad Airways اۋە كومپانياسى اراسىندا جاسالعان كەلىسىمگە سايكەس پەرسونال سانىن قىسقارتۋعا قارسى شىعىپ وتىر. ونىڭ نەگىزىندە يتالياندىق كومپانيانىڭ جەر ۇستىندە قىزمەت كورسەتەتىن 1590 قىزمەتكەرىن قىسقارتۋ جوسپارلانۋدا. ال جالپى 2000 عا جۋىق ادام جۇمىسىنان بوساتىلماق. وسىلايشا، Etihad Airways يتالياندىق كومپانيانى قۇتقارۋ ءۇشىن 1,2 ميلليرد يەۆرو سالماق نيەتتە.
